Matiyut 16:14 - Ala Wone Peenok Peebi Mbanak

¹⁴ Yorage mbareegi, it nen at yogo logonet, “It ando nen, Yiime Wuppiiga Yaya aret, yogwe, it ando nen, Eliya aret, yogwe, ndi, it ando nen, At Yeremiya ilik, aap Ala nen yoge kagak yoraga mendek ambi a? yinuk, yogwe, eeko agaarik o.”

Matiyut 16:14 ပူးပေါင်းရင်းမြစ်များ

Yeremiya 1:1

It Mbeniyamin mendek wonogo menggam kota Anatot Ala unde eeke nagagerak ambi endage Kilikiya aput Yeremiya nen wone yereegerak nogo yi aret.

Maleyaki 4:5

Naliku ALA woroorak ne abu nggwok aakumi inamineeri ne agan noorak mendek koorok panggoni wage kagak, an yoge neegak yoraga Eliya nogo, inowagam nappi wage neyaagun o.

Matiyut 14:2

at awuri inom eeka nogo yorage logonet, “Aap Yiime Wuppiiga Yaya nogo, kanggo menggam nen eenik a'nuk, mi'nage nagagerik, eerubok mendek eerit nage yi aret kagi o,” yoragagerak.

Matiyut 16:15

Yogo mbareegwa, “Ndi, kit perak, an ta nomba'nuk yogo ogotik?”

Matiyut 17:10

Inaruk wake mbareegi, at oone waganggwi nogo nen Yetut kin wokkogo logonet, “Ti kenok, it Ala wone liiru mbanak unde nogo nen, At Eliya aa'nduk woraagin o, yinuk, yogo menggaarak nogo ti, nonggop nduk yogo menggaarak?”

Matiyut 3:1

O ti eyom paga Yiime Wuppiiga Yaya nogo nen o Yureya karume aakumi lek me nage nagagerik, aakumi yorage logonet,

Marakut 6:15

it ando nen, “Lek o. Eliya aret o,” yogwe, ndi, it ando nen, “It maan Ala nen yorage kagak yorogo nogogwaarak nogo kwak a'nuk, yogondak at Ala yoge kagak yorage agaarik o,” yinuk, yogwe, eeko nogogwaarak.

Marakut 8:28

Yorage mbareegi, it nogo nen, “It ando nen, At Yiime Wuppiiga Yaya nogo aret, yogwe, ndi, it ando nen, Eliya aret, yogwe, ndi, ando nen, Aap Ala nen yoge kagak yoraga mendek ambi aret, yogwe, eeko agaarik o.”

Yaya 1:21

Yorage mbareegi, it nogo nen at Yaya yogo logonet, “Ndi, ti kenok, kat ta o? Kat Eliya ilik?” Yogo mbareegwa, at Yaya nen, “Eliya ti kunduk, an lek mban o.” Yorage mbareegi, it nen, “Ti kenok, aap Ala nen yoge kagak yoraga nogo, kat aret ilik?” Yogo mbareegwa, at nen, “Ti kunduk, an lek mban o.”

Yaya 7:12

It aakumi ambik lakome wogogwaarak nogo nen yagap wone paga Yetut abok ambik mbanggo logonet, ando nen, “At aap obeelom aret o,” yogwe, ndi, ando nen, “Lek o. At nen aakumi nomoninake menggerak aret o,” yogwe, eeko nogogwaarak kwe,

Yaya 9:17

Ogoorak ka'let eekkologo nogogwaarik, at enegen mbuk wonagagerak nogo ambinom yogo logonet, “Wulaga! Aap kat kenegen obeelom eekkakerak nogo abok nonggop yumunggun o?” Yogo mbareegwa, at nen, “Ala yorage kagak yoraga mendek at aret o.”