Matiyut 16:11 - Ala Wone Peenok Peebi Mbanak

¹¹ Yi abe roti yinuk, yo'nirage lek o. Ata, it aap Pariti aap Taruki inom inoone nogo ti, roti piike menggerak nogo kokwak aret me, waganggwi niyo, niniki tum wako logowok nduk yo'nirage o, yinuk, yuurak op aret kwe, nonggop nduk liippega'lek ogotik?”

Matiyut 16:11 ပူးပေါင်းရင်းမြစ်များ

Matiyut 16:1

Wage mbareegi, it aap Pariti mendek inom, aap Taruki mendek inom, Yetut ka nogo nogogwaarik, abut mbanuwok nduk yogo logonet, “Nineenu ariyak mbogut paga mendek ambi eeke keyaawi o.”

Matiyut 16:12

Yoragagerak ti paga it nen, “At Yetut ari ti, roti piiruwak nduk pogo menggaarak nogo mendek kenok, yo'nirage lek o. Ata, it aap Pariti aap Taruki inom nen inoone mamunirogo menggaarak nogo waganggwi niyo, niniki tum wako logowok nduk, yo'nirage kogo o,” yinuk, mbareegwaarak.

Matiyut 16:6

Yetut nen it nogo yorage logonet, “It aap Pariti mendek inom, aap Taruki mendek inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o.”

Matiyut 3:7

Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Marakut 4:40

Eeke mbareegi, at oone waganggwi nogo yorage logonet, “Kit nonggop nduk kinagabiti mbako ogotik? Kit kiniki an noba panggombunuk abet nombaka'lek me yogo ogotik a?”

Marakut 8:15

Yetut nen, “It aap Pariti mendek inom, at Keroret inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o,” yinuk, inaruk wareegerak.

Marakut 8:21

Yogo mbareegwa, at nen, “Yogondak kunduk, kit awo liippega'lek logonet yogo ogotik?” yoragagerak.

Lukat 12:1

Wone ti yorage wonage kagak, it aakumi ineenggi lingginiyak abu meek ribu-ribu aret kuwak eeppunuk, inobogom nen taga'mbit eerogo piigwi iigak, at Yetut nen at oone waganggwi mendek inaa'nduk yorage logonet, “It aap Pariti nogo nen iniki laakot logonet, yokkirogo menggaarak me, roti piike menggi kwak inoone agan nugwi nogo waganggwi kiyo, tum wakkologo logonip o.

Lukat 12:56

Kit kiniki laakot logonet, yogo monggotak yi wae! Mbogut-nggween enete liippunuk, Ti togop aret arigin kagi o, yinuk, yogo monggotak kwe, yogondak yi eyom paga ariyak nogo kit nonggop nduk liippunuk, E! Ti togop aret arigin kagi, yinuk, yaga'lek aret ogotik?” yinuk, yoragagerak.

Yaya 8:43

an nen yokkirage nogo ti, nonggop nduk liippega'lek aret ogotik? Kit an noone woorak abu meek me, liippega'lek aret ogotik o.