Matiyut 16:1 - Ala Wone Peenok Peebi Mbanak

¹ Wage mbareegi, it aap Pariti mendek inom, aap Taruki mendek inom, Yetut ka nogo nogogwaarik, abut mbanuwok nduk yogo logonet, “Nineenu ariyak mbogut paga mendek ambi eeke keyaawi o.”

Matiyut 16:1 ပူးပေါင်းရင်းမြစ်များ

Kini Wuppiige 26:5

Aap iniki lek wi negen wone yokkege onggo at ari menggi kwak yoge keenok, Iniki nen, “Nimbirak niniki warak aret kagi,” mbarukwak, oone yokkege onggo kiniki warak nen yoge logot o.

Matiyut 12:14

Obeelom age mbareegi, it Pariti mendek nogo nen wundi nogo nogogwaarik, “Nonggop eerogo waruwok o?” yinuk, wone mbaneegwaarak.

Matiyut 15:1

Ti'nuk, aap Pariti mendek ando inom, Ala wone liiru mbanak unde ando inom, o Yerutalem nen Yetut owagam nogo nogogwaarik, Yetut yogo logonet,

Matiyut 16:6

Yetut nen it nogo yorage logonet, “It aap Pariti mendek inom, aap Taruki mendek inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o.”

Matiyut 19:3

Obeelom eeginake me, it aap Pariti mendek ando nogo nogogwaarik, Yetut abut mbanuwok nduk, at yogo logonet, “Alom ndogop eekwi iinok, aap nen inakuwi mbo piyoorak op o, yinuk, wone yugu Muta liiru mbaneegerak ambi wonage a, lek a?”

Matiyut 22:15

Ti'nuk, it aap Pariti mendek nen Yetut oone ambi yemenggerak paga yilunogo punuk, waruwok nduk, it mban-mban wone mbani nogogwaarak.

Matiyut 22:18

Yogo mbareegwa, at Yetut nen it wone maluk lombok koonggwi yelok iige nagagerik, yorage, “Kit kiniki laakot logonet, yogo monggotak yi, nonggop nduk, At yemenggerak paga yilinogo puwok, mba'nuk, yo'nogo ogotik?

Matiyut 22:23

It aap Pariti nogo Yetut teppunuk, mbaganggo mbareegwa, “Aakumi kanggwi ineenik a'nuk, mi'narugun lek o,” yogo menggaarak aap Taruki ando nen ne ti eyom paga Yetut eegwa'me waawok nduk owagam wogo nogogwaarik, at yogo logonet,

Matiyut 23:2

“It Ala wone liiru mbanak unde inom, aap Pariti mendek inom, nen, Muta yorage nagagerak obaane'me nit aret yorogo logowok o, yinuk, yogwe me,

Matiyut 27:62

It aap Yakuri tamban eeriyak nduk, pipuk eeppogo nogogwaarik, nogo yippunuk, ko'lu ti paga it aap Ala unde inoweewi inom, aap Pariti inom, kuwak eeppunuk, Pilatut owagam wogo nogogwaarik, at yogo logonet,

Matiyut 5:20

It Ala wone liiru mbanak unde inom, aap Pariti mendek inom, obeelom eeko menggaarak ti, kit togop ndak-ndak mban eekwi kiinok, at mbogut paga mendek abu'me piige menggim unggwi namunggup lek o. Ata, it mbuuluk negen eeko menggaarak kagak, kit nggwok togon eekwi kiinok perak, unggwi noorak op aret yokkiragi o,” yoragagerak.

Matiyut 9:11

Inom mbi nunggwi nogo it aap Pariti mendek nen iigo nogogwaarik, Yetut oone waganggwi nogo yorogo logonet, “Kinowe ngguru yi, it aap o unde inake wu kuwak eeka mendek inom, it maluk eeka mendek inom, inom lambunik logonet, nonggop nduk mbi nengge agaarik o?” yinuk, yorogogwaarak.

Marakut 10:2

Mamunirage me, it Pariti mendek ando at owagam wogo nogogwaarik, abut mbanuwok nduk yogo logonet, “Aap nen inakuwi mbo piyoorak op o, yinuk, Ala yereegerak Muta nen liiru mbaneegerak ambi wonage ilik, lek a?”

Marakut 12:15

Teppuurak op a, mage a?” Yogo mbareegwa, it iniki laakot logonet yogwi yelok iige nagagerik, it yorage logonet, “Kit nonggop nduk, At yemenggerak paga yilinogo puwok, mba'nuk yo'nogo ogotik o? Mbuti wu nenegen kaakit nduk wo'niri woraanip o.”

Marakut 12:18

Ti'nuk, “Aakumi kanggwi ineenik a'nuk mi'narugun lek,” yogo menggaarak it Taruki mendek nogo nen at owagam wogo nogogwaarik, yogo logonet,

Lukat 10:25

Ti'nuk, peebi ne ambi paga aap Ala wone liiru mbanak unde ambi Yetut abut mbanikit nduk, wage nagagerik, yoge logonet, “Ngguru wae. An mondok-mondok neenik logokit nduk, nonggop eeri o?”

Lukat 11:16

ndi, it ando nen at iniki abut mbanuwok, mbako logonet, “Mbogut paga nineenu ariyak ninagabiti warak mendek ambi eeru o,” yinuk, at yogwi, eereegwaarak.

Lukat 20:23

Yogo mbareegwa, at Yetut nen it at ambokan laganggwi yelok iige nagagerik, yorage logonet,

Lukat 20:27

Ti'nuk, aakumi kambunuk, ineenik a'nuk mi'narugun lek yogo menggaarak it aap Taruki mendek ando nen Yetut owagam wogo nogogwaarik,

Yaya 8:6

Wone ti yoreegwaarak nogo ti, Yetut wone ambi yemenggerak paga yilumbunuk enggali wappuwok nduk, yoreegwaarak.) Yogo mbareegwa, at Yetut wone onggo yoraga'lek we ena wu'nage logonet, eenggi paga nen nggween paga liiru mbaneegerak.

Nappiigak 4:1

Peterut Yaya imbirak it aakumi nogo awo yorogwe iigak, it Ala unde inom, Ala awi wurik me arum waka inowe nogo inom, it Taruki mendek inom, wogogwaarak.

Nappiigak 5:17

Ti'nuk, it Ala unde inowe nggwok awuri aap Taruki mendek abok inom nen, “Nit togop eeko logowok lak, it mban eekwi yi, nineebi a!” yinuk,

1 Korindut 1:22

It aap Yakuri mendek nen, “Niniki liippatuwok nduk, ninagabiti warak mendek ambi eeru o,” yinuk, yogwe, ndi, it Yunani mendek nogo nen, “It aakumi iniki warak mendek inoone yogwe liippuwok o,” yinuk, yogwe, eeko menggaarak kwe,