Matiyut 15:9 - Ala Wone Peenok Peebi Mbanak

⁹ It mamunirogo menggaarak ti, aakumi inoone yugu kagak, mamunirogo menggaarak me, Aanom warogo aret nalut ee'nako agaarik o, yinuk, yereegerak, nogo ti, kit yi eekwi kiinok aret yereegerak kagi o,” yoragagerak.

Matiyut 15:9 ပူးပေါင်းရင်းမြစ်များ

Ndawi 39:6

Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Ndawi 73:13

An niniki kikak naka'lek eekkolage, An maluk eerulik nombaruwak nduk neenggi kooke, Eekirak nogo ti, We aanom warogo aret eekirak kagi o.

Wundeegwaarak 20:7

Naliku an kinogoba Ala nendage we ugun yuurak ti mage o. Aap ambi nen an nendage we ugun agan nege kenok, Naliku an ALA nen aap ti mondok maluk eeppigin o.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Ala Unde 26:16

an nen eeppiyoorak nogo yi aret. Abera'lek me aaninggin inoba nappi woraminggirak paga andi inagabolo paga kani pege logonet, inigen mbuk eerogo piige, wono eerogo pit unggwage logonet, ineebe aret lek eerogo piige, eerigin o. Yabu ambik lombok waganogo yaremenggaarak nogo inawim nen mbanggola wogo logogun me, we aanom warogo aret yako logogun o.

Ala Unde 26:20

Eerogo piminggirak me, yabu nggwok aret waganogo yi mendek ndi mendek yaremenggaarak kwe, eebe kole age, inanggween paga yi eyo ndi eyo anggen abe yege, eerigin lek me, we aanom warogo aret yako logogun o.

Maleyaki 3:14

Inoone andiigwi yo'nugwi nogo ti, At ayuk wuko logonet, alut eeko monggoorak nogo ti, we aanom warogo aret eeko monggoorak o. Yogop ee'nu ndogop ee'nu, at yo'nirage nogo eerit nugwi, at Omaawi Lombok Menggerak Aliku ALA enegen kagak, maluk eeko nogogurak paga niniki wakko'net nogwe, eeko monggoorak nogo ti, nano eekkolaawok nduk, eeko ogoorik? Lek aret o.

Matiyut 15:10

Yorage nagagerik, Yetut nen aakumi kuwak aago nogo wiiragagerak wogo mbareegwa, yorage logonet, “Kinaruk konembunuk, liippogo logonip o.

Marakut 7:7

It mamunirogo menggaarak ti, aakumi inoone yugu kagak, mamunirogo menggaarak me, Aanom warogo aret nalut ee'nako agarik o, yinuk, Ala yoge kagak at Yetaya nen yoragagerak liiru mbaneegerak nogo ti, kit kiniki laakot logonet eekwi kiinok, abet aret liiru mbaneegerak o.

1 Korindut 15:2

Yokkiragagirak nogo kit nen mondok nu'lek porogo logomonggotak kenok, wone ti paga kinagap ndarigin kwe, abet mbaka'lek logonet we aanom warogo waganeegutak kwa?

Pelaareegerak 12:32

Ndi, an wone lengganogo yokkirage yi abok aret eerit nogo logonet, wone alik ambi nabenogo pugwi, ambi mbo pugwi, eeriyak mondok mage o,” yinuk, yoragagerak.

Iberani 13:9

Yi wone ndi wone alik agan wogwe nogo konembunuk, kiniki nomonggiren nogwe iyo, liippogo logonip o. It ando nen, “Yi mendek ndi mendek nonggo logonet, Yogop ee'nu, ndogop ee'nu,” yinuk, wone lengganak nogo eekwi paga iniki kole eekkolaga'lek we aanom warogo eerit nogwe me, kit nen yogo logonet, “Wone ti paga niniki kole ee'ninaburak lek o. Ata, Ala iniki kunik en eeppinanege kagak niniki kole ariyak ti, op aret o,” yinuk, mbako logonip.

Yakobut 2:20

Nowe-nawot o. Kit wi negen agan nugwi kiigi o. Eebe eeka'lek kagak abet mban mba'nuk, puk wonogwe kiinok ti, “Yi aanom warogo aret abet mbakwi o,” yinuk, mbaka'lek ogotik ya?

Wayu 22:18

Ti yo'nege nagaarik, ambinom yo'nege logonet, “Peebi eeriyak wone yokkege neegak liiru mbanggendak nogo, aakumi konembunuk, wone alik ambi inom nabenogo pugwi iinok, andi-pandi aganaburak kugi alom 7 porogo wonogwe iige nagandik, liiru mbanggendak nogo nen inooruwak nduk, Ala nen nappiya woraagin o.