Matiyut 15:29 - Ala Wone Peenok Peebi Mbanak

²⁹ At Yetut nogo o time mbo punuk, tu o Nggalileya yi yenggenak ambet paga wage nagagerik, puurom paga lagi nanuk, time kwi'nagagerak.

Matiyut 15:29 ပူးပေါင်းရင်းမြစ်များ

Yetaya 9:1

Togop aret mbo piyamenggerak kwe, aa'nduk nen it o Tebulon wonogwe inom, o Natali wonogwe inom, tebenogo piyareegerak kwe, it aaninggin-paaninggin inoba a'nuk o yumaak paga nugwi nogo, mondok-mondok togop aago nugu logogun lek o. Peebi, Aliku ALA nen niyo Yoraran enebagan tu niyo yenggenak paga nogo menggam it endekem konenggulik mendek iname o Nggalileya time menggaarak nogo, tiyappiyaagin o.

Matiyut 13:2

Kwi'nagagerak wonage me, yi aakumi ndi aakumi ambik aago at owagam kuwak ari wogogwaarak me, yiiro paga unggunuk, kwi'nage nagagerik, it aakumi kuwak aago nogo yi aa'nggi paga taati iigak,

Matiyut 4:18

Aap oweeluk-awuluk Timon endage Peterut toonak nogo, awot Andereyat imbirak ikan waganggo menggaarak me, at Yetut yi yenggenak Nggalileya aa'nggi paga nage logonet, ikan waawok nduk, yum ikan wagangga nogo yiime wuppugwi enegen iyareegerak.

Matiyut 5:1

Aakumi ambik inom nogwe nogo Yetut enegen iinok, puurom paga lagangge nagagerik, kwi'na'nuk wonage me, it at oone wagangga nogo owagam nogogwaarak.

Marakut 1:16

Yoranet nege nagagerik, niyo Nggalileya yenggenak aa'nggi paga nage logonet, at Timon awot Andereyat imbirak ikan waganggo menggaarak me, ikan waawok nduk, yum ikan waganggo menggaarak nogo yiime mbo wuppugwi enegen iyareegerak.

Lukat 5:1

Ti'nuk, peebi ne ambi paga at Yetut yi Nggenetaret yenggenak aa'nggi paga mi'ndak wonage me, it aakumi apit aret Ala wone inaruk konenuwok nduk, yagabit-kagabit kuwak eeri wogo mbareegwa,

Yaya 21:1

Ti eeke nagagerik, peebi Yetut nen at oone waganggwi mendek yi yenggenak endage Tiberiyat paga wonogwe me, at eebe ambinom nigiya wagagerak. Nigiya wage logonet, eereegerak nogo yi aret.

Yaya 6:1

Ti'nuk, peebi at Yetut yi yenggenak Nggalileya endage ambi Tiberiyat nogo, enebaga wunda nagagerak.

Yaya 6:23

yiiro ando o Tiberiyat nen ninogoba Ala, “Wa,” yinuk, aakumi roti tumburiragagerak nonggo nogogwam nogome aret wunda wogwe iigo nogogwaarik,