Matiyut 15:22 - Ala Wone Peenok Peebi Mbanak

²² Nage mbareegi, kwe Kanan mendek ambi o time nen wundi wage nagagerik, oone nggwok paga at yoge logonet, “Ai, nogoba, Ndawut ombooluk wae! An naagaluk kolaga kugi inikime unggwage nagagerik, abu maluk eeppereegerak me, nabuwa mbaru o.”

Matiyut 15:22 ပူးပေါင်းရင်းမြစ်များ

Ndawi 4:1

Kat abe koonak mban menggendak nogoba Ala wae. Niniki puru ari logonet, Noone nggwok paga yokkege neenok, onggo yo'nege, Aaninggin noba wonage kenok, teeluk eerogo panege, An tamban eeke nogo nabuwa nen karuk konengge, Eeru o.

Ndawi 45:12

Ti eeke keenok, o Tirut Aagalukwe nen kat kake wokkiri wagak eekwi, Aap ineenggi warak mendek nen, “Enegen niyawak o,” yinuk, kat eeppagi wogwe, Eeko logogun o.

Ndawi 6:2

Kaliku ALA wae. Niniki lek ee'nabit unggwage me, nabuwa mbake, Ndi, Kaliku ALA wae. Nowako nenet unggwage me, obeelom eeppanege, Eeke logot o.

Yetikiyen 3:6

Yi aakumi ndi aakumi alik mendek inoone abu alik yuurak aaninggin kat koneniyak meek nogo mendek wonogwe me nappagage lek o. Aakumi ti mendek wonogwe me nappagage neenok, kat koone konenggo logorak kwe,

Matiyut 1:1

At Ndawut Abarakam imbirak inombooluk Yetut Keritut ombomini nda'narit wundi wogogwaarak inendage liiru mbanak yi o.

Matiyut 15:23

Yoreegerak kwe, at Yetut onggo wone ambiriluk ambi yorulik puk wonage kagak, at oone waganggwi nogo nen Yetut owagam wogo nogogwaarik, at yogo logonet, “Kwe yi, oone nggwok agan mu'niret wage me, nggarurogon nappu ubi!”

Matiyut 17:15

“Nogoba wae. An napuluk kugi andi nggwok eeke nagagerik, eenggi-iyok puk-puk ege logonet, kulinik-kalinik kani kunik me mambege, kulinik-kalinik yiime mambege, eeke menggerak me, an nen wonok it kat koone waganggwi inowagam wagarak kwe, it nen obeelom eeriyak abu meek iigirak me, kat nen nabuwa mbake logonet, naput yi obeelom eeru o.”

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Matiyut 9:27

At Yetut o time nen nage mbareegi, aap mbere inigen mbuk me, inoone nggwok agan mugurok nogo logonet, “Ndawut ombooluk yi wae. Ninabuwa mbaru o.”

Lukat 17:13

inoone nggwok paga at yogo logonet, “Ninogoba Yetut wae! Ninabuwa mbaru o.”

Lukat 18:13

aap o unde inake wu kuwak eeka nogo nen perak, tayorogon mi'nage nagagerik, ena mbogut paga ni'naga'lek eebe wakkolage logonet, Ai, nogoba Ala! An maluk eeke minggirak me, nabuwa mbaru o, yinuk, yoreegerak.