Matiyut 15:2 - Ala Wone Peenok Peebi Mbanak

² “Kat koone waganggwi yi, nonggop nduk ninombomini eeko nogogwaarak wandek eekwi nogo taganogo mbo punuk, ineenggi kooka'lek logonet, mbi nonggo menggaarak?”

Matiyut 15:2 ပူးပေါင်းရင်းမြစ်များ

Wakkagagerak 1:14

Ti age mbareegi, oonikiya-liingge mogonak logonet, o weege, o kiip age, yi eyom ndi eyom age, oonegen lagangge-wangge, eeke logorak nogo kenom age, ndi, o oolo ya'i nenaarak nen nggween paga o eya eeke, eeke logowak nduk, Ala nen, “Abinak warak mendek mbogut paga aruwak o,” ari kagak, togop aret

Etet 3:3

Ayuk wuka'lek mbareegi, it aap endagembogut ake eeko menggaarak at awi o nggwok abe wurik tu unggwogo menggam wonogwe nogo nen at Morekayi nogo yogwi, “Kat nonggop nduk aap endagembogut nen wone yegerak taganogo pege agandik?” yinuk,

Matiyut 15:3

Yogo mbareegwa, Yetut nen, “Ndi, kit togon nonggop nduk Ala nen, Yogop ee'nu, ndogop ee'nu, yereegerak wone nogo taganogo mbo punuk, kinombomini eeko nogogwaarak wandek nogo eeko monggotak?

Marakut 7:2

Yetut oone waganggwi nogo wone yugu ndak-ndak eeka'lek logonet, ineenggi kooka'lek we ugun aret mbi nunggwi iyareegwaarak.

Marakut 7:5

Togop eeko nogogwaarak me, it Pariti mendek inom, it Ala wone liiru mbanak unde inom, nen Yetut yogo logonet, “Kat koone waganggwi yi, ninombomini eeko nogogwaarak wandek eeka'lek logonet, nonggop nduk ineenggi kooka'lek ugun aret mbi nonggo agaarik o?”

Lukat 11:38

Mbi naakit nduk, at eenggi kooka'lek logonet, we aret kwi'nage aap Pariti nogo enegen kage nagagerik, “Aap yi nonggop eeke iya!” mbareegerak.

Nggalatiya 1:14

Nit Yakuri inoone mugurok nogo logonet, an ninom ndak-ndak ndarak noreewi ando we mbuuluk negen eekwi iigak, an perak nombomini eeko nogogwaarak nogo, niniki aganggen kerek togon mugurok nage logonet, mondok ndak-ndak aret eerit nage nagagirak nogo ti, kineenu mban o.

Kolote 2:8

It aakumi ambi eeppiyoorak lek kagak we inambokan laganuwok nduk, iniki koonogo yorogo menggaarak nogo ti, Keritut wone lek o. Ti, it inombomini wandek inom, it kugi inayuk wuko menggaarak nogo inom, inoone mamunik aret agan nugwi me, keele maarak negen it inabu'me logonet, inoone mban konenggo logobagip nduk, kit kinambokan laganggwi iyo, tum wakkologo logonip o.

1 Peterut 1:18

Kit kinombomini maan mbogut paga unggwi noorak lek kagak we aanom warogo eerit nogo nogogwaarak nogo ndak-ndak, kit togop eekwi kiyo, wu mbuti perak inom, emas inom, yi mendek ndi mendek lek ariyak mendek ti paga kinonggo mbanulik o. Ata, ndomba aagaluk awinde-obande aago lek mondok abe kwak Keritut amiya mondok iya lombok nogo paga kinonggo mbaneegerak nogo kineenu aret o.