Matiyut 15:16 - Ala Wone Peenok Peebi Mbanak

¹⁶ Yoge mbareegi, at Yetut nen, “Kit kunduk awo kiniki liippega'lek logonet, yo'nogo ogotik?

Matiyut 15:16 ပူးပေါင်းရင်းမြစ်များ

Matiyut 13:51

Yorage nagagerik, Yetut nen, “Wone ti, abok aret liippogop a?” Yorage mbareegi, it nen, “E o, abu aret liippogoorak o.”

Matiyut 15:10

Yorage nagagerik, Yetut nen aakumi kuwak aago nogo wiiragagerak wogo mbareegwa, yorage logonet, “Kinaruk konembunuk, liippogo logonip o.

Matiyut 15:15

Yorage mbareegi, at Peterut nen, “Wone eegu laarak yagandak nogo ti, mbinuk-mbenak yo'niret o.”

Matiyut 15:17

Yi mendek ndi mendek nenggaatak inaanogume wangge nagaatik, mbo pi nogo menggaarak nogo kit kineenggo'lek a?

Matiyut 16:11

Yi abe roti yinuk, yo'nirage lek o. Ata, it aap Pariti aap Taruki inom inoone nogo ti, roti piike menggerak nogo kokwak aret me, waganggwi niyo, niniki tum wako logowok nduk yo'nirage o, yinuk, yuurak op aret kwe, nonggop nduk liippega'lek ogotik?”

Matiyut 16:9

Roti 5 kwe, aap ineebe lima ribu tumburirogo nogotik, mbirim yum mande yonggologo pogotak nogo inom, ndi, roti 7 nogo aap ineebe empat ribu tumburirogo nogotik, mbirim yum mande yonggologo pogotak nogo inom, abeka'lek ogotik? Alom ti nduk eekerak, kagi, mba'nuk, ti kunduk, liippanega'lek logonet, yogo ogotik?

Marakut 6:52

Yetut nen roti karereegerak nogo, “Alom ti nduk eekerak, kogo,” yinuk, iniki liippega'lek kobak wonogogwaarak me, peebi o wiya lek agagerak nogo kunduk, togop aret iniki kobak logonet, inagabiti ambik ogogwaarak.

Marakut 7:18

Yogo mbareegwa, at nogo nen, “Kit kunduk, kiniki liippega'lek logonet, yogo ogotik? Yi mendek ndi mendek nonggo monggotak nogo ti, kinikime unggwageelik o. We, kinaanogum me wangge nagaatik, mbo pi nogo monggotak me, yi mendek ndi mendek nonggo monggotak paga maluk eekkinakeelik yi kogo ogotik?” yoragagerak. Wone yoragagerak nogo ti, nonggo menggaarak mendek abok aret mage lek op nonggo logorak nduk yoragagerak.

Marakut 9:32

Wone yoragagerak nogo, it kobak logonet kwe, kin woorak inagabiti nen puk aret ogogwaarak.

Lukat 18:34

Wone alom nobarak negen yoragagerak me, wone nogo abok aret it yelok kaga'lek kobak aret wonogogwaarak.

Lukat 24:45

Yorage nagagerik, Ala wone liiru mbanak tena'me kaawak nduk, iniki eya eeppiyareegerak.

Lukat 9:45

Yoragagerak kwe, it kobak mban wonogogwaarak. Ndi, wone ti, yelok kogwe iyo, nobarak negen yoragagerak kwe, “Yo'niragandak nogo ti, nonggop yo'niragan o?” yinuk, inagabiti nen kin wokkoolik puk ogogwaarak.

Iberani 5:12

Kit o maan togon Ala wone konenggo nogogutak me, muk mamuniragak mendek logorak kwe, omaawi mendek noorak meek kenok, yilak amburu negen mban nonggo logorak kinobaabut kiigirak me, alom wone aa'nduk konenggo nogogutak nogo mendek mban ambinom mamunggiroorak ogotak kiigo o.