Matiyut 14:8 - Ala Wone Peenok Peebi Mbanak

⁸ Yoge mbareegi, agalo nen wone aagaluk inikime muk pereegerak me, kolaga nogo nen, “Aap Yiime Wuppiiga Yaya anobak tenggap paga ndoonogo wo'niri mok o.”

Matiyut 14:8 ပူးပေါင်းရင်းမြစ်များ

1 Endagembogut 18:13

Ndi, mugurok nage neegak, kwe Iteben nen Aliku ALA nen yorage kagak yoraga nogo inoorit nage kenok, ineebe 100 wogoren ndo ambime 50 kumaappiige, ndo ambime 50 kumaappiige, eeppiinok, inambi-inagi wogora nage minggirak nogo kat konengga'lek ya?

1 Endagembogut 18:4

Ti eyom paga kwe Iteben nen aap Aliku ALA nen yorage kagak yoraga ambik inoorit nage kenok, at Obaya nen it aap Ala wone yoraga nogo ineebe 100 wogoren ndo ambime 50 kumaappiige, ndi, ndo ambime 50 kumaappiige, eeke nagagerik, inambi-inagi wogorage nagagerak.

1 Endagembogut 19:2

kwe Iteben nogo nen Eliya yori nawak nduk, aap ambi wone eerogo nappege logonet, “At Eliya waka'lek neenok, kit nen aaninggin noba paniyak kenok, noba panugwi, ndi, nooriyak kenok, nookwi, eeriyak op aret o, yinuk, nagugi yoragarak me, at Eliya nen it aap kugi Mba'an wone unde eerogo piigerak kokwak, an ko'lu oonegen yogobi paga ari naga'lek kagak, at ndak-ndak eerogo pigin, yegerak, yori nak o,” yinuk, eerogo nappereegerak.

2 Endagembogut 11:1

Aap Akatiya agalo kwe Ataliya nogo nen, “Naagaluk kanggerak, kagi,” mbake nagagerik, aap endagembogut Akatiya apuri wiganak abok aret inoorogo piyaakit nduk eereegerak.

Etara 1:9

Eenggi lingginogo wogoreegerak nogo yi aret. Niyo tookak mbuti emas paga ogobakkigirik 30 inom, niyo tookak mbuti perak paga ogobakkigirik seribu inom, waruk mbuti perak paga ogobakkigirik 29 inom,

Kini Wuppiige 1:16

It aap ti, “A puk-puk,” yaga'lek perak togon maluk eerit nogwe, Aap inamiya mbet-mbet wunabit nogwe, Eeko menggaarak o.

Kini Wuppiige 29:10

Aap aakumi inamiya nengga nogo nen aap iniki abe nogo ineebi lombok mbako menggaarak kwe, It iniki abe koonak nogo nen aap abe ti, ineebe inili yogo menggaarak.

Matiyut 14:11

tenggap paga ndoonogo wonok wage nagagerik, kolaga nogo wogoge mbareegi, kolaga nen wonok agalo iri nagagerak. At Keroret nen Yaya eenik agagerak awuri inom eeka yoragagerak nogo ti, ti eereegwaarak kenok yoragagerak.

Matiyut 14:7

at Keroret nen ombo owak mbangge logonet, “Nano mendek ambi nggino yo'nege keenok, ti aret wokkirigin o.”

Matiyut 14:9

Yoge mbareegi, aap endagembogut Keroret nogo abuwa nen iniki abu maluk agagerak kwe, it laago lakome wogogwaarak inenggaanom paga ombo owak mbaneegerak me, agabiti nen, “Yo'negerak nogo aret eeri nak o,” yinuk, aap ambi nen Yaya anobak mbanogo wogori woraawak nduk, nappereegerak.

Marakut 6:24

Ombo owak mbangge mbareegi, kolaga nogo wundi nage nagagerik, agalo kin wakkage logonet, “An nano mendek wo'niruwak nduk, nggino yori na?” Yoge mbareegi, agalo nogo nen, “Yiime Wuppiiga Yaya anobak mbanggiruwak nduk yori nak o,” yoreegerak.

Marakut 6:25

Yoge mbareegi, at kolaga nogo puu'nuk aap endagembogut owagam unggwi nage nagagerik, yoge logonet, “Yogondak aret at Yiime Wuppiiga Yaya nogo anobak tenggap paga ndoonogo wo'niri woraanok nduk, yokkigi.”

Marakut 6:28

anobak tenggap paga ndoonogo wonok wagagerak. Wonok wage nagagerik, kwe tawe nogo wogoge mbareegi, agalo wogoreegerak.