Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiyut 14:6 - Ala Wone Peenok Peebi Mbanak

6 Agabiti age nagagerik, puk wonage me, at Keroret nda'nagagerak eyom ari wage mbareegi, kwe Keroriyat aagaluk inenggela'me time kwirabik-kwirabok ari logonet, Keroret iniki ale'nggen eeppege mbareegi,

အခန်းကိုကြည့်ပါ။ ကော်ပီ




Matiyut 14:6
21 ပူးပေါင်းရင်းမြစ်များ  

Wone nogo yo'nuk, ne kenagan wonogogwaarik, aap endagembogut Pirawun nogo nda'nagagim ndak-ndak ari wage mbareegi, awuri inom eyabu eeko menggaarak nogo mendek inake laago nggwok lake logonet, anggur amburu tooka inowe nogo inom, oroti woraka inowe nogo inom, imbirak at awuri abok inenggaanom paga mippiya wage nagagerik,


Yippege nagagerik, aap endagembogut Akatiwerot nogo nen Etet kolagagerak ale'nggen nen it aap inengga warak inoweewi inom, at inom eeko menggaarak inom, inake laago nggwok lake, “An nabu'me minggim yi o ndi o yonggonggo'net nogo logonip o,” yinuk, wone eerogo nagabit nage, ndi, it aap inendagembogut inale'nggen nen inamindik-inamendek tumburirogo mengga kwak at amindik-amendek tumburirage, eereegerak.


At Keroret nogo nen at awuluk Piliput akweeluk kagak, kwe Keroriyat nogo wagangge mbareegi, at Yaya nen Keroret yoge logonet, “Kwe ti, woorak lek yugu kagak waganggendak me, kimbirak logorak mondok mage o.” Yogak mban eeke mbareegi, Keroret nogo nen, “Yaya warikit,” mba'nuk, pigogo keele maarogo mambiigo menggam mambereegerak kwe, it aakumi nen, “Yaya ti, Ala nen yoge kagak yoraga mendek aret o,” yogwe aruk konengge nagagerik, agabiti agagerak.


at Keroret nen ombo owak mbangge logonet, “Nano mendek ambi nggino yo'nege keenok, ti aret wokkirigin o.”


“Ngguru wae. At Muta nen, Aap ambi akwe woppunuk, apuluk ndaka'lek kagak kangge kenok, owe obaane'me apuri ndagaruwak nduk, awot nen at owe nanu nogo aret kolaawak o, yinuk, yo'niragagerak.


Eeginabit nugu nogogwaarak nogo ti paga Yetut endage yi awi ndi awi inaruk koneneegwaarak me, aap endagembogut Keroret nogo inom aret aruk koneneegerak. It ando nen, “Yiime Wuppiiga Yaya nogo ti, kanggo menggam nen eenik a'nuk, mi'nagaarak nogo paga nen eerubok mendek eerit nage kogo o,” yogwe,


Ti yereegerak nogo ti, at Keroret nen kwe Keroriyat Piliput awot akweeluk kagak, wagangge mbareegi, at Yaya nen Keroret yoge logonet, “Kat kawot akweeluk woorak lek yugu kagak waganggendak me, kimbirak logorak mage o,” yinuk, yogak mban eeke mbareegi, Keroret nogo nen Yaya keele maaruwak nduk nappiige mbareegi, nogo nogogwaarik, pippunuk aakumi keele maarogo mambiigo menggam mambereegwaarak.


Mambereegwaarak me, at kwe Keroriyat nogo iniki pale agan nage logonet, “Yaya warikit,” mbake kagak, at Keroret nogo nen, “Yaya nogo maluk eeka'lek iniki abe koonak aret kagi o,” yinuk, at Yaya nen wone at yoge nogo aruk konengge logonet, iniki aaninggin age kagak kwe, koneniyak inikilom mbake nagagerak me, agabiti mbake logonet, wake kero, arum wonagagerak me, Keroriyat wariyak meek agagerak.


Yetut nen, “It aap Pariti mendek inom, at Keroret inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o,” yinuk, inaruk wareegerak.


Ti awo yorage kagak, it aap Pariti mendek ando nen Yetut owagam nogo nogogwaarik, at yogo logonet, “Aap Keroret kooriyak ari me, yime nen mbet mbaganu o.”


Ndi, at Keroret awuri yigin unde inom Yetut miyuk-meya eerogo pogo logonet, agi'ndok kambeegwaarak. Ti abok aret eeppogo nogogwaarik, yum abu kigirikwe yippunuk, iyok paga Pilatut owagam nappi wagagerak.


aap Keroret inarum menggim nogome mendek aret aruk konengge nagagerik, ti eyom paga at Keroret o Yerutalem wagagerak wonage me, at owagam nappereegerak.


Aap Kayitat Tiberiyut endagembogut a'nuk, wone lengganogo yorage kagak, tahun 15 eeke eyom paga aap Pondiyut Pilatut o Yureya gubernur aret wonage, ndi, aap Keroret o Nggalileya unde wonage, ndi, aap Keroret awuluk Piliput o Itureya Terakonitit imbirak unde wonage, ndi, aap Litaniyat o Abilene unde wonage, eeko nogogwaarak.


Inaruk warit nage logonet, aap endagembogut Keroret nogo nen at awot akweeluk Keroriyat ndingge, ndi, yi maluk ndi maluk apit eerit nage, eeke mbareegi, at Yaya nen at kunduk mberereegerak me,


at Keroret ame arum waka endage Kutat akwe Yokana nogo inom, kwe Tutana inom, ndi, kumi alik apit inamendek paga Yetut at oreewi inom inake eeko nogogwaarak nogo inom, Yetut inom nogogwaarak.


Ira wogo nogogwaarik nogome wonogwe me, aap endagembogut Keroret nogo nen it Ala apuri kuwak eekwi ando mondok inoorikit nduk piginabit nage logonet,


Yereegerak nogo, o kota yime it Keroret togon, Pondiyut Pilatut togon, it endekem mendek inom, it Iterali mendek inom, nen at kikak nakeelik alik leenak, kat kayeloman leenogo mippereegindak Yetut nogo, at waruwok nduk abet aret o kota yime kuwak eekaarak o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ