Matiyut 14:31 - Ala Wone Peenok Peebi Mbanak

³¹ Yoge mbareegi, Yetut eenggi nggerok togon pigagangge logonet, “Kat kiniki liirogon abet nombaka'lek yi, nonggop nduk kiniki mbere wonage agandik?”

Matiyut 14:31 ပူးပေါင်းရင်းမြစ်များ

Wakkagagerak 22:14

Kani kungge nagagerik, at Abarakam nen o nogo endage, “Ninogoba Ala Nen Punogo Pereegim o,” yinuk, tooneegerak me, puut nogo endage, “Iniki Mbakwi Punogo Piige Menggim Ala Abuut o,” yinuk, yogwe wonogwe aret o.

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Yetaya 63:12

At eenggi omaawi ayuk warak nogo paga Muta panggombege kagak woraawak nduk nappi wage, Endage mondok-mondok wiganinuk nawak nduk, inenggaanom paga niyo mogonogo piige,

Matiyut 14:30

Nage logonet, o wiya wake nogo enegen kage nagagerik, agabiti a'nuk, yi inikime yobok togon wambuurak eeke mbareegi, oone kwa ari logonet, “Ie, nogoba. Pi'nabi mok ubi!”

Matiyut 14:32

Yoge nagagerik, imbirak yiiro paga unggwogo mbareegwa, o wiya nogo abolok lek aret agagerak.

Matiyut 16:8

at Yetut yelok iige nagagerik, “Kit kiniki liirogon abet nombaka'lek yi, roti lek kenok nonggop nduk kiniki piirik logonet, wone yogo ogotik?

Matiyut 17:20

Yogo mbareegwa, at nen, “Kiniki liirogon abet nombaka'lek nogo paga eeriyak meek aret wonogotak o. Kit kiniki abet nombakwi nogo kulok anggen pogom logonetak en, puurom yi yogo logonet, Yime nen tayo yi nage keyaagin o, yogwi kiinok, tayo yi nage kaanetak o. Kiniki mondok abet nombakwi kiinok, kit eeriyak mbakwi nogo ambi eeriyak meek ti lek abok aret eeko logomunggup o. (

Matiyut 6:30

Iri'ngga-kale'ngga endekem mendek yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki Ala liirogon abet ombaka'lek mendek yi, mondok iya negen eeppinagage, eerigin lek mbakop?

Matiyut 8:26

Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Marakut 1:31

Yogo mbareegwa, owagam nage nagagerik, eenggi pigogo mippege mbareegi, andi nogo lek age nagagerik, kwe nogo nen inake eeke nagagerak.

Marakut 1:41

Yoge mbareegi, at Yetut nen aap nogo abuwa mba'nuk, eenggi nderogon pigagangge nagagerik, “An obeelom eekkaburak mbakirak me, obeelom agago pagagi o,” yinuk,

Marakut 11:23

Kiniki yungguppegak eeka'lek kinoone yogwe, Ndak-ndak arigin, mbako logonet, Puut nggwok yi, Aan wogonogo yi yenggenak me lebengge keyaagin o, yogwi kiinok, togop aret eeke kaamunggup o, yinuk, abet aret yokkiragi o.

Marakut 16:7

An naa'nduk Nggalileya time naminggirak me, neya namunggup o, yinuk, wone yokkiragaarak nogo ndak-ndak aret eekerak me, at oone waganggwi ando inom, Peterut inom, yora nanip o.”

Marakut 4:40

Eeke mbareegi, at oone waganggwi nogo yorage logonet, “Kit nonggop nduk kinagabiti mbako ogotik? Kit kiniki an noba panggombunuk abet nombaka'lek me yogo ogotik a?”

Marakut 5:41

Unggwi nogo nogogwaarik, Yetut nen kolaga nogo eenggi pippunuk yoge logonet, “Talita kum,” yoreegerak. Ti, nit ninoone paga, “Kolaga yi wae. Mi'na'nok nduk yokkigi o,” yinuk, yoreegerak.

Nappiigak 4:30

It kugi andi wonogwe iinok, lek aruwak nduk keenggi piginabu o. Ndi, at kikak nakeelik alik leenak menggerak kayeloman Yetut nogo endage paga eerubok mendek inom, ineenu ariyak inagabiti warak mendek inom, eeke menggerak nogo, nit eeruwok nduk eeppinanu o,” yinuk, tamban eereegwaarak.

Pelaareegerak 32:36

At Aliku ALA nen at apuri inowak loonogo maluk onggo inoba piige, At ayeloman mini aret me, inabuwa mbake, Eeppiige logogin me, At apuri inomaawi lek age, It wondet aago nugwi inom, inayeloman inom, ineebe lek ogwe, Eekwi iige logomenggerik,

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.