Matiyut 14:29 - Ala Wone Peenok Peebi Mbanak

²⁹ Yoge mbareegi, “Mok o,” yoreegerak. “Mok o,” yoge mbareegi, at Peterut nogo yiiro paga nen wungge nagagerik, yi ogombaga iyok pit Yetut owagam nagagerak.

Matiyut 14:29 ပူးပေါင်းရင်းမြစ်များ

Matiyut 14:28

Yorage mbareegi, at Peterut nogo nen, “Ai, nogoba. Kat aret kenok, an yi ogombaga kowagam woraakit nduk, yo'niru o.”

Matiyut 14:30

Nage logonet, o wiya wake nogo enegen kage nagagerik, agabiti a'nuk, yi inikime yobok togon wambuurak eeke mbareegi, oone kwa ari logonet, “Ie, nogoba. Pi'nabi mok ubi!”

Matiyut 17:20

Yogo mbareegwa, at nen, “Kiniki liirogon abet nombaka'lek nogo paga eeriyak meek aret wonogotak o. Kit kiniki abet nombakwi nogo kulok anggen pogom logonetak en, puurom yi yogo logonet, Yime nen tayo yi nage keyaagin o, yogwi kiinok, tayo yi nage kaanetak o. Kiniki mondok abet nombakwi kiinok, kit eeriyak mbakwi nogo ambi eeriyak meek ti lek abok aret eeko logomunggup o. (

Matiyut 21:21

Yogo mbareegwa, at Yetut nen, “Kit kiniki mbere lek ambit aret logonet, Ala abet mbakwi kiinok, an eyo wuli yi eekirak yogobi mban eeko logomunggup lek o. Ata, kit nen puurom yi kunduk, yogo logonet, Aan wogonogo yi yenggenak me lebennari nage keyaagin o, yogwi kiinok, ndak-ndak aret eeke kaamunggup o.

Marakut 9:23

Yoge mbareegi, at Yetut nogo nen, “Eeriyak op mbake keenok, eeriyak o, yo'negendak ti, aakumi abet mbakwi paga nen ambi eeriyak mbakwi kenok, eeriyak lek ti lek. Eeriyak aret o,” yoreegerak.

Lukat 17:6

Yogo mbareegwa, at ninogoba Yetut nen it yorage logonet, “Kit kiniki noba panggombunuk, abet nombakwi nogo mbuuluk kulok anggen pogom kinikime logonetak en, eyo kilu nggwok yi, Kalom kinggo'nok yi inikime ya'nari nage keyaagin o, yogwi kiinok, ya'nari nage aret ka'netak o,” yinuk, yoragagerak.

Nappiigak 3:16

Yetut nen eeriyak op o, yinuk, niniki at oba panggombunuk abet mbakoorak nogo paga aap kit kineenu kinigen kogo monggotak yi nogo, obeelom agago omaawi eeppegerak wonage o. Yetut nen eeriyak op o, yinuk, abet mbakoorak paga aret kit kinenggaanom at abu obeelom agaarak kinom wonage yi aret o.

Oroma 4:19

At Abarakam nen at eebe pekkolage logonet, “An nda'nagagirak neegak, tahun 100 aret ariyak age me, abu kambuurak negen ee'nake, ndi, nakweeluk Tara nogo kunduk, ndariyak meek aret age, eeke kagi,” mbake logonet kwe, iniki yungguppegak eerulik abet aret mbareegerak me,

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.