Matiyut 14:28 - Ala Wone Peenok Peebi Mbanak

²⁸ Yorage mbareegi, at Peterut nogo nen, “Ai, nogoba. Kat aret kenok, an yi ogombaga kowagam woraakit nduk, yo'niru o.”

Matiyut 14:28 ပူးပေါင်းရင်းမြစ်များ

Matiyut 14:27

Kwa yogo mbareegwa, at Yetut nen, “Kinogut li o.” Yorage nagagerik, “An neebe aret me, kinagabiti yugup o.”

Matiyut 14:29

Yoge mbareegi, “Mok o,” yoreegerak. “Mok o,” yoge mbareegi, at Peterut nogo yiiro paga nen wungge nagagerik, yi ogombaga iyok pit Yetut owagam nagagerak.

Matiyut 19:27

Yorage mbareegi, at Peterut nen, “Nit yi mendek ndi mendek abok aret mbo punuk, kat ninom nugwi me, nano mendek kolamun a?”

Marakut 14:31

Yoreegerak kwe at Peterut nen, “Lek o. Kat nimbirak kambuurak kenok, kambuurak aret me, Yetut neenggo'lek ti perak, an yigin abu lek o,” yinuk, oone omaawi aret yoge mbareegi, it abok nen togop mban aret yoreegwaarak.

Yaya 6:68

Yorage mbareegi at Peterut nen, “Ai, nogoba! Nit ta ka noorak me nduk yagan o? Mondok-mondok nineenik ee'ninaburak wone kat aret yo'nirage menggendak nogo o.

Oroma 12:3

Ala nen, “At yi, an noone yoranet nege logowak o,” yinuk, iniki kunik en onggo lek we aret unde eeppaneegerak nogo paga kit abok aret wone ambi yokkira o. Kit obeelom wone abet mbako mbareegup, Ala eyabu eeko logobagip nduk, kinalitak lombok unde eeppinagareegerak nogo, liippunuk, “An yi aret unde eeppanegerak kagi,” yinuk, ndak-ndak eerit nogo logonet, kat mbuuluk unde eeppagareegerak kagak, “An iya lombok unde eeppanegerak kagi,” yinuk, wogoppako logogup o. Ata, “An yi aret wo'negerak me,” yinuk, kiniki tebenak logonet, eerit nogo logonip o.

Yakobut 1:6

Kit Ala yogo logonet, kiniki yungguppegak eeka'lek mondok abet mbako logonet, yogo logonip o. Aap ambi iniki yungguppegak eeke logonet, Ala yoge kenok ti, o wiya wage logonet, niyo kilaarak-mogonik eeke menggerak nogo pogom aap ti, iniki togop aret menggerak o.