Matiyut 14:27 - Ala Wone Peenok Peebi Mbanak

²⁷ Kwa yogo mbareegwa, at Yetut nen, “Kinogut li o.” Yorage nagagerik, “An neebe aret me, kinagabiti yugup o.”

Matiyut 14:27 ပူးပေါင်းရင်းမြစ်များ

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Yetaya 41:4

Ti abok aret eeriyak koonogo punuk, eeke logowak nduk, unde wake, O aa'nduk aakumi wiganit wundi wogwe iigak, o yime arit woroorak nogo koonogo pege, Eereegerak ti, Ta mbakop? Lek o! It aa'nduk nda'nogogwaarak nogo lek iigak aa'nduk lombok wonagagerak me, It irip paga nda'narugun nogo lek aremenggaarak iigak, mondok logogin Naliku ALA nen aret eereegirak o,” yinuk, yegerak.

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Matiyut 14:28

Yorage mbareegi, at Peterut nogo nen, “Ai, nogoba. Kat aret kenok, an yi ogombaga kowagam woraakit nduk, yo'niru o.”

Matiyut 17:7

Wanggo nogogwaarik, wonogwe me, at Yetut wage nagagerik, ineebe eenggi piginake logonet, “Kinagabiti lek aret mi'na'nip o.”

Matiyut 28:10

Eeko mbareegwa, Yetut nen, “Kinagabiti yugup o. An o Nggalileya nage me, time nawuri neya nawak nduk, yora nanip o,” yinuk, yoragagerak.

Matiyut 28:5

Ndi, at malayikat nogo nen it kumi nogo yorage logonet, “Kit nen aap Yetut eyo paga nabenogo pegaarak nogo kaawok nduk, wogotak kiigirak me, kinagabiti mbarugup o.

Matiyut 9:2

aap ambi eenggi-iyok nggunanak me, at nogo yege menggerak nogo paga aret eewu'nuk, Yetut owagam pi wogo mbareegwa, at Yetut nen it iniki at abet ombakwi yelok iige nagagerik, aap eenggi-iyok nggunanak nogo yoge logonet, “Naput wa! Komaluk nogo lek eerogo pagagirak me, kiniki kwi'ndak logot o.”

Marakut 6:50

It abok aret at wage inigen kogo nogogwaarik, inaganak wake kagak, “Kinogut li o,” yorage nagagerik, “An neebe aret wage me, kinagabiti arugup o.”

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Lukat 1:30

Mbake mbareegi, at malayikat nogo nen at yoge logonet, “Mariya wae. Kagabiti mbarugun o. Ala kabuwa mbake logonet, ale'nggen koba pagarak koonggerak me,

Lukat 12:32

Yorage nagagerik, at Yetut nen, “Nandombalogwe wae! Ala nen kit at abu'me pinagarak inikilom mbareegerak me, kinagabiti mbarugup o.

Lukat 2:10

Inagabiti ambik aganake mbareegi, malayikat nogo nen, “Kinagabiti mbarugup o. It aakumi abok aret iniki ale'nggen nggwok mbariyak obeelom wone nogo wonok yokkira wagarak me,

Lukat 5:10

At Peterut oreewi Tebereyut apuri Yakobut Yaya imbirak nogo inom inagabiti mbakwi iigak, Yetut nen Timon yoge logonet, “Kagabiti mbarugun o. Ikan wagangge menggendak kwak, o yogondak nen aakumi wogonake logomunggun o,” yinuk, yoreegerak.

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Yaya 6:20

Inagabiti ogo mbareegwa, Yetut nen it yorage logonet, “Noreewi o! An aret me, kinagabiti yugup o.”

Nappiigak 23:11

Nogo ambi yinuk, ko'lu, o kiip age mbareegi, nogome wonage me, ninogoba Yetut at Pawulut owagam wage nagagerik, mi'ndak logonet, “An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.