Matiyut 14:19 - Ala Wone Peenok Peebi Mbanak

¹⁹ Yinuk, aakumi ambik nogo, “Iri'ngga paga kwi'na'nip o,” yorage nagagerik, kwi'nogo mbareegwa, at Yetut nen roti 5 inom, ndi, ikan mbere inom, woppunuk, ena mbogut paga ni'nage nagagerik, “Nogoba Ala wa,” yinuk, roti nogo karerogo at oone waganggwi nogo wogorage mbareegi, it nen aakumi kuwak aago nogo tumburirogogwaarak.

Matiyut 14:19 ပူးပေါင်းရင်းမြစ်များ

Matiyut 14:18

Yogo mbareegwa, Yetut nen, “Ti aret wo'niri wa'nip o.”

Marakut 6:39

Yogo mbareegwa, at Yetut nen it yorage logonet, “Aap inawuri lombok iri'ngga paga taati kunu wurogo kwi'narit nawak nduk, yoraanip o,” yinuk,

Marakut 6:41

Kwi'narit nogo mbareegwa, at Yetut nogo nen roti 5 inom, ndi, ikan mbere inom woppunuk, ena mbogut paga ni'nage nagagerik, “Nogoba Ala wa!” yinuk, roti karerogo aakumi tumburiraawak nduk, at oone waganggwi nogo wogoragagerak. Wogorage nagagerik, ikan mbere waganogo abok aret nawak nduk, wogorage mbareegi, tumburirogogwaarak.

Marakut 7:34

ena mbogut paga ni'nage logonet, “Ai!” mbake nagagerik, “Epata o,” yoreegerak. Ti yoreegerak ti, nit ninoone paga, “Paa'naru o,” yoreegerak.

Lukat 22:17

Ti yorage nagagerik, yiiwak eenggime woppunuk, “Nogoba Ala wa!” yinuk, “An yogondak kuli paga nen nok, peebi Ala abu'me pinagarak eyom ari waga'lek kagak an eyoonggen amburu yi, nengga'lek aret logogin me, waganogo tumbukkolaanip o, yinuk, yokkiragi o.”

Lukat 22:19

Yorage nagagerik, roti eenggime woppunuk, “Nogoba Ala wa!” yinuk, karerogo tumburirage logonet, “An neebe kit kinake punik nogo yi aret me, noba abe'nako logonet, nanip o.”

Lukat 24:30

Unggwi nage nagagerik, inom mbi nawok nduk, kwi'na'nuk, mbi eenggime woppunuk, “Nogoba wa,” yinuk, karerogo tumburirakit nduk eeke mbareegi,

Lukat 9:14

Yoreegwaarak ti, aap ineebe lima ribu wonogwe me nduk, yoreegwaarak.) Yogo mbareegwa, Yetut nen at oone waganggwi nogo yorage logonet, “It aakumi 50 lombok kunu wurogo kwi'narit nawak nduk, yoraanip o.”

Lukat 9:16

Kwippiigo mbareegwa, at Yetut nen roti 5 inom, ikan mbere inom, woppunuk, ena mbogut paga ni'nage nagagerik, “Nogoba Ala wa!” yinuk, karereegerak. Karerogo at oone waganggwi nen aakumi kuwak aago nogo tumburiraawak nduk, wogoragagerak.

Yaya 11:41

Yoge mbareegi, yugum ponggonogo nappogo mbareegwa, Yetut nogo ena ni'nage nagagerik, “Nogoba o. Kat an noone muk konenggendak me wa yokkigi o.

Yaya 6:23

yiiro ando o Tiberiyat nen ninogoba Ala, “Wa,” yinuk, aakumi roti tumburiragagerak nonggo nogogwam nogome aret wunda wogwe iigo nogogwaarik,

Nappiigak 27:35

yorage nagagerik, mbi ambi waganogo it inenggaanom paga, “Ala wa,” yinuk, karerogo nengge mbareegi,

Oroma 14:6

It ando nen, “Ne yi paga yi eekak ndi eekak eeriyak mage o,” yinuk, yogwe nogo ti, ninowe endage tiyak yuwak nduk, yogwe me, ti op aret yogwe o. It ando nen, “Yi mendek ndi mendek ugun nonggo logorak,” mbakwi nogo ti, “Ala wa,” yinuk, nunggwi me, ninowe endage tiyappogo logonet, aret nunggwi o. Ndi, it mbi-mbiingga mban nunggwi nogo ti, it kunduk, “Ala wa,” yinuk, nonggo menggaarak me, ninowe endage tiyappogo logonet aret nonggo menggaarak.

1 Korindut 10:16

Nit niniki ambit lambunik logonet, at Keritut amiya wundeegerak nogo paga lambunogo pinaneegerak abeko logonet, amburu toolak waganogo, “Ala wa,” yinuk, nonggo monggoorak nogo lek a? Ndi, roti karerogo nonggo monggoorak nogo ti, nit niniki ambit lambunik logonet, at ninake kambeegerak abeko logonet, nonggo monggoorak nogo lek a?

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

1 Korindut 11:24

“Ala wa,” yinuk, karerogo wogorage logonet, “Yi an neebe negen aret me, kit kinake aret o. An noba abeko logonet, nonggo logonip o,” yinuk, yorage mbareegi, nunggugwaarak.

Kolote 3:17

Keritut kinabuwa nen kinake eeke menggerak me, kinogoba Ala, “Wa,” yinuk, keyage wako logonet, kinoone yogo monggotak inom, eerit nogo monggotak inom, abok aret ninowe Yetut endage tiyak yuwak nduk mban eerit nogo logonip o.

1 Tamuwen 9:13

at nen, Wo'niragandak Ala wa, yinuk, Ala yoge kenok, it aap inom eeriyak inayonggo piigaarak nogo Tamuwen inom mbi noorak me, nengga'lek tokkogo logukwak me nduk, mbet-mbet nage kero, o kota tu unggwogo menggam taati wonage me, ka namunggup nduk, mbet-mbet aret nanip o.”