Matiyut 14:14 - Ala Wone Peenok Peebi Mbanak

¹⁴ at Yetut yiiro paga nen wundi nage logonet, aakumi ambik kuwak aago enegen iige nagagerik, inabuwa lombok mbake logonet, it kugi andi warak inenggela'me nogogwaarak nogo obeelom eeginabeegerak.

Matiyut 14:14 ပူးပေါင်းရင်းမြစ်များ

Matiyut 14:15

Obeelom eeginake kagak, o kiip age mbareegi, at Yetut oone waganggwi nogo at owagam wogo nogogwaarik, yogo logonet, “O wurik yime abu lek o. Ndi, oonegen kunduk, muk kilu yuurak eeke me, aakumi ambik kuwak aago yi, aakumi iname time inambi onggo mbanogo na nawak nduk, nappiyet o.”

Matiyut 4:23

At Yetut o Nggalileya yengget-wangget abok aret nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo, aakumi yorage, yi kugi ndi kugi andi kunik mendek inom, ineebe andi-pandi aago inom, obeelom eeginake, eerit nege nagagerak.

Matiyut 9:36

Eerit nege logonet, ndomba ndegeninaka eebe lek me, mbaganit nogo logonet, ineeruwak yini'nggin-piini'nggin aago tat warit nogo mengga kwak, it aakumi ambik at mugurok nugwi nogo togop aret aago enegen iige nagagerik, inabuwa lombok mbareegerak.

Marakut 6:34

Yetut at oone waganggwi inom yiiro paga nen yi aa'nggi paga wundi nogo nogogwaarik, ndomba ndegeninaka lek kenok, ndomba mban kuwak aago mengga kwak, it aakumi ambik togop kuwak aago wonogwe iige nagagerik, “Inabuwa,” mba'nuk, yi wone ndi wone mamunirage nagagerak.

Marakut 9:22

Kugi yi, oba age logonet, ne ambi paga kani kunik me mambege, ne ambi paga yiime mambege, eeke menggerak me, kat nen yi eekak ndi eekak abok aret eeriyak op mbake kenok, ninabuwa mba'nuk, obeelom eerogo pinanu ubi!”

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Iberani 2:17

nit aakumi maluk eekwi niinok, Ala anini ninombake nogo, iniki yanggo yuwak nduk, Ala unde inowe nggwok logonet, ninabuwa nen puk aga'lek ko'lu-kii'me ninake eeke logowak nen, nit ee'ninake menggerak nogo, abok aret at ndak-ndak eeriyak age mbareegi, aa'nduk at awuri nit pogom aret eekkolagagerak.

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,

Iberani 5:2

At aap ti, aap nggween paga mendek maluk eeke menggerak aret me, aakumi Ala wone liippega'lek nomo agan nogo logonet, maluk eekwi iinok, inabuwa mba'nuk, inake yanggorogon eeke menggerak.