Matiyut 13:6 - Ala Wone Peenok Peebi Mbanak

⁶ omanggen yaka'lek kagak, mo nen teebat age nagagerik, mbuk agagerak.

Matiyut 13:6 ပူးပေါင်းရင်းမြစ်များ

Yetaya 49:10

Inagi-inambi abu eeginake, O wiya nen aganggen eeginake, mo andi eeginake, Eeke logogin lek aret o. Inabuwa mbake minggirak an nogo nen tu nigiren nage, It wogoren yi eneeri wungge me piinet nage, Eeke logogin o.

Matiyut 13:21

wone nogo ti, inikime omanggen yaka'lek me, ne ambit logonuk, wone waganggwi nogo paga aaninggin-paaninggin eerogo piigwi, piyak-payak eeginakwi, eekwi iinok, Wone yi nineebi o, yinuk, mbo pugwi nogo aret o.

Matiyut 13:5

Ando yugum eeri paga nggween ameneno mbuuluk mban wonage me, wambit nagagerak. Yugum eeri paga wambit nagagerak nogo ti, mbilaneegerak mendek, nggween ameneno mbuuluk me,

Matiyut 13:7

Ndi, ando iri'ngga alok-palok me wambit nagagerak. Iri'ngga alok-palok me wambit nagagerak nogo ti, mbilaneegerak kwe, alok nogo lagangge logonet, mbanogo wurabeegerak.

Marakut 4:6

omanggen yaka'lek kagak, mo nen teebat age nagagerik, mbuk agagerak.

Lukat 8:13

Ndi, yugum eeri paga wambit nagagerak nogo ti, it aakumi Ala wone konembunuk, inale'nggen logonet, Ala wone waganggo nagaatik, luulu abet mbakwi kwe, inikime awi liirogon yakkoloolik me, peebi iniki abut mbangge eyom paga mbo pogo menggaarak nogo aret o.

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Kolote 1:23

Keritut ti eereegerak nogo paga, Ala kinom lambumbinagareegerak me, wone obeelom wone kit konenggo nogogutik, abet mbako logonet, “Ala nen togop eeppinanigin kagi,” yinuk, kiniki lunik wonogwe nogo, mbo puurak mage o. Ata, o eyak wurabak kwak Keritut paga kiniki panggombunuk, wone abet mbareegutak nogo, kiniki nu'lek logonet, mugurok nogo logonip o. Ndi, obeelom wone yi awi ndi awi abok aret wiganinuk nage nogo ti, an Pawulut ninom aret yorage logokit nduk, Ala ayeloman agago paneegerak aret o.

Kolote 2:7

Eyo omanggen nggween me yarak nu'lek logonet, mondok mili kwit agan lagangge menggi kwak, kit togop aret Keritut paga kinomanggen yarak logonet, kiniki kole ogwe, ndi, abet mbareegutak nogo nu'lek porogo logobagip nduk mamunggirogogwaarak nogo, ndak-ndak porogo wonogwe, eekkologo logonet, kiniki mondok aganggen kekererak lagi wage logonet, Ala, “Wa!” yogo logonip o.

Wayu 7:16

Ndi, wone lengganogo yorage menggim oolo lombok menggerak Ndomba Aagaluk nogo nen ineebe liirogon aret ndegeninake, Ineenik mondok logowak nduk, niyo eneeri abe mili me piya nage, Eerigin me, Mbi abu aganake, niyo abu aganake, mo andi inooke, o aganggen nen ndeyak eerogo piige, Eerigin mondok lek o. It le yogwe iinok, Ala nen aret inale amburu lek eerogo piyamenggerak logogun o,” yinuk, yo'nege kagarak.