Matiyut 13:52 - Ala Wone Peenok Peebi Mbanak52 Yogo mbareegwa, at Yetut nen, “Ti kenok, it Ala wone liiru mbanak unde abok aret at mbogut paga abu'me piyoorak wone nogo waganggwi iinok ti, aap inowe ambi nen awuri yabu eeko logowak nduk, amendek iniki kunik ngget mendek inom, maan mendek inom, pege menggim nen waganogo wumbege menggerak nogo pogom aret o,” yinuk, yoragagerak. အခန်းကိုကြည့်ပါ။ |
Matiyut 13:52
31 ပူးပေါင်းရင်းမြစ်များ
An nendagembogut Aratakata nen kit o nggwok niyo Eparat enebaga oonegen kilu yi nage menggim pa'nggwe nawu kuwak eerogo pogo menggam arum wonogwe nogo wone ambi lengganogo yokkira. At mbogut paga menggerak Ala nen eeko logorak wone yereegerak liiru mbanak mamuniraga Ala unde aap Etara nen yi mendek ndi mendek nggino yokkirage kenok, li'lak aret wogogo logonet,
At Etara nogo eeko logorak wone Iterali inogoba Aliku Ala nen wone yoragagerak Muta liiru mbaneegerak nogo at abok li'lak mamuneegerak me, yi wone ndi wone era'nggup-alom abok aret eenu wonagagerak. At Etara nogo Aliku ogoba Ala eenggi omaawi paga nobapporogo wonagagerak me, woraakit nduk, aap endagembogut nggino yoreegerak nogo at nen abok aret wogoreegerak.
Ti kenok, an nen it aap Ala nen yorage kagak yoraga inom, aap iniki warak mendek inom, aap Ala wone liiru mbanak unde inom, kinowagam nappiya woraminggirak ando eyo karo-karo paga nabenogo inookwi, ando kit tamban eeko monggo'nom time ya'mbiran nggora eerogo inookwi, ando muguret-magaret eerogo mappiigwi, eeginabumunggup o.
O nggween yi wakkagagerak paga nen, it aap Ala yorage kagak yoraga aap Kaben amiya wambeegerak kuli nen nok, Ala ake warogo kani kunggo menggam Ala awi wurik me oolo muundak aap Takariya amiya wambeegerak kuli, it abok inamiya wambeegerak nogo inane'me kit aakumi yogondak wonogwe yi aret kinoorikit nduk, at yi mendek ndi mendek abok eenu menggerak Ala nen ari logonet, An noone yorage neegak yoraga inom, yonggo nappiya wage minggirak inom, nappiya wage neenok, ando inookwi, ando piginabuwak nduk, muguret nugwi, eekwi, kiyaagin o, yinuk, yereegerak nogo ti, it aap aa'nduk inamiya wambit nagagerak nogo inane'me kit aakumi o yogondak wonogwe yi aret kinoorikit nduk, yereegerak me, yokkiragi o.
niniki puru ari kwe, kagak ale'nggen mban mbakwi, nineenggi lek kwe, it apit ineenggi warak eeppiigwi, ninamendek lek aret kwe, yi mendek ndi mendek abok aret unde eerogo pakwi, eerit nogo monggoorak nogo abok aret ambi eerumonggoorak paga yiluk ari kenok, nit wone unde eeppinaneegerak nogo meek mbarukwak, Ala ayeloman logonet, “Eerit nogwe yi, iya,” yuwak nduk, niniki kwi'ndak logonet, mondok liippunuk aret eerit nogo ogoorik o.
It Ala apuri alik leenak nogo abok aret tiyanak wonogwe iigak, an abu inabu'me tebenak tit neegak kwe, Keritut oba ngginik kagak eeppinanit wundi wage menggerak wone nogo, kit aap endekem mendek yokkirage, ndi, at yi mendek ndi mendek wakkagagerak Ala nogo nen wone o maan koonak kote kumaapporogo wonagagerak nogo, nonggop eeppinaniyak koonogo pereegerak yi aakumi ndi aakumi abok ineenu eeppiige, eeke logokit nduk, iniki kunik ee'nake logonet unde eeppaneegerak.
Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.
Wone kole wone ti, it konenggo menggaarak nen abet mbaruwak nduk, lengganogo yorogwe, abe wone woorak ineebi mbakwi nogo waawak nduk, wone kenaarogo yorogwe, eeko logowak nduk, abe wone nogo paga niniki panggombunuk, waganeegurak wone nogo, it ndak-ndak iniki panggombunuk, nggirik-nggerok porogo wonogwe iinok mban mippiyoorak op aret o.
ကြော်ငြာတွေ