Matiyut 13:45 - Ala Wone Peenok Peebi Mbanak

⁴⁵ Yorage nagagerik, ambi yorage logonet, “At mbogut paga abu'me piyoorak nogo ti, aap yi mendek ndi mendek onggo kunggolage menggerak ambi nen wu abu obeelom kero, kwaarit nege logonet,

Matiyut 13:45 ပူးပေါင်းရင်းမြစ်များ

Ayup 28:18

Ye nogo inom, Yi yenggenak me yugum alok ko aago paga inom, Ti paga onggo ndak-ndak lek me onggo pugwi, Eeko logorak meek o. Iniki warak nogo ti iya lombok me, Yugum kundali iya aret kwe ti paga kunggwi,

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

Wone Alom Kibingga 12:8

Wone alom kibinogo yoraga an nen, “Aanom warogo aret! Aanom warogo aret! Yi mendek ndi mendek abok aret ti, we aanom warogo mban aret wonage kage minggirak o,” yinuk, yereegirak o.

Matiyut 13:24

Yorage nagagerik, Yetut nen wone ambi eegu laarogo yorage logonet, “At mbogut paga mendek abu'me piyoorak nogo ti, aap ambi awi obeelom mendek eyabu me yareegerak nogo pogom aret o.

Matiyut 13:46

wu kirin negen ambi kwaarogo punuk, nage nagagerik, amindik-amendek abok aret kumbunuk, ti'nuk, wu nogo paga wu kirin nogo onggo kunggola wagagerak nogo pogom aret o,” yinuk, yoragagerak.

Matiyut 16:26

Kit yi awi ndi awi abok aret unde eekkologo logomonggotik, kineebe kobak arumonggotak kenok, ti paga nano eekkoloorak nduk agan nogo logomunggup mbakop? Kineebe kobak arumonggotak kenok, obaane'me nano patiyak?

Matiyut 22:5

Yonggo nappiyareegerak yora nogo mbareegwa, it aap nogo nen liikot-laakot yogo logonet, it ando yabu eeri nogwe, it ando yi mendek ndi mendek onggo kero, awone warit nugwi, eereegwaarak.

Matiyut 7:6

Nggeewo nen melak togon ineyak mbangginakwi iyo, Ala ake leenak abe mendek nogo wogoraagup o. Ndi, wam iniyok aan lebenogo pit nogwe iyo, wu kirin negen wam wonogwe me, inenggela'me mbo nappugup o,” yinuk, yoragagerak.