Matiyut 13:35 - Ala Wone Peenok Peebi Mbanak

³⁵ Ti yorage nagagerak nogo ti, Ala yoge kagak yoraga nogo nen, “An wone yokkirage logonet, eegu laarogo mban yokkirage, Ndi, o yi wakkagagerak eyom paga nen nobarak mban wonagagerak nogo aret yokkirage, Eeke logogin o,” yinuk, yereegerak, yoragagerak nogo, a'me lik yereegerak.

Matiyut 13:35 ပူးပေါင်းရင်းမြစ်များ

Ndawi 49:4

Woneelom ambi naruk paga pege kenok ari, Nggitat eeke logonet, wone eegu laarogo yokkirage, Eerigin nogo yi o.

Ndawi 78:2

An nen wone eegu laarak wone yokkirage, O maan aa'nduk nen eerit wogogwaarak alom wone mamunggirage,

Yetaya 42:9

Yogop eeke kaamunggup o, yinuk, aa'nduk yereegirak nogo muk kin agaarak me, Yogondak wone ngget alik mendek eeppiyoorak yokkege, Eeriyak awo kin aga'lek kagak kat yokkege, Eeke agarik o,” yinuk, yoge kagarak o.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Matiyut 13:14

At Ala nen yoge kagak yoraga Yetaya nen ari logonet, It aakumi yi, inigen kogwe, inaruk konenggwi, Iniki liippatinuk yunggup melak eekwi, Eekwi iinok, An nen obeelom eeginake neyo, Ninogogumbuk ogwe, ninaruk logu ogwe, ninigen kubuk nogwe, eeruwok o, yinuk, miikkolagaarak me, Inaruk konenggak mban eeremenggaarak kwe, liippatugun lek o. Ndi, inigen kagak mban eeremenggaarak kwe, yelok kaagun lek o, yinuk, yoragagerak nogo, a'me lik yuwak nduk, wone eegu laarogo mban yorage minggirak o.

Matiyut 13:3

at Yetut nen yi wone ndi wone apit aret eegu laarogo yoragagerak. Yorage logonet, “Aap awi yumbungge menggerak nen awi yumbunikit nduk nage nagagerik,

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Matiyut 5:2

Nogo mbareegwa, wone mamunirage logonet,

Lukat 10:14

Peebi inowak looniyak eyom paga aakumi Tirut Tiron mendek ti, aaninggin we mbuuluk eeppiyaagin kwe, it ti perak, aaninggin mondok nggwok aret eeppiyaagin o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

Nappiigak 15:18

At togop eeke menggerak o maan nen yereegerak nogo kinogoba Ala nen aret yereegerak me, yokkiragi o, yinuk, yoragagerak wone liiru mbaneegwaarak me, yokkiragi o.

1 Korindut 2:7

Ata, nineenu logonet, yogo monggoorak nogo ti, wone o maan mbogut nggween wakkaga'lek logonet, Ala nen, “Nit tiyappinanikit,” mba'nuk inikime kote koonogo pereegerak nogo mban aret agan nogo monggoorak.

Epetut 3:5

Wone ti, it aakumi aa'nduk nda'narit wundi wogo nogogwaarak nogo, paganogo yoraga'lek aret wonagagerak kwe, yogondak perak, Ala nen at Aberiniki nappi wagagerak nogo paga nen it aap Ala ake leenak nappiigak inom, it aap Ala wone yoraga inom, abok aret ineenu eeppiyareegerak.

Iberani 1:1

Maan aa'nduk Ala mbake menggerak nogo ninombomini ineenu aruwak nduk, Ala nen yorage kagak yoraga nogo, kulinik-kalinik inabi paga yorage, eerubok mendek inenggela'me eeriyak yorage, anebunu alitak lombok abok aret eeriyak yorage, eeke kenok, it nogo nen ninombomini yorogo nogogwaarak kwe,

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.

Wayu 17:8

Nggeewo nggwok anini warak kagandak nogo ti, aa'nduk wonagagerak kwe, lek age nagagerik, ti'nuk, Kambunuk Nogo Menggam mbuun ambena nen lagi wage kenok, Ala nen enggaawak lek eerogo pege kaamunggun o. Ndi, mbogut-nggween wakkagagerak kuli nen it mondok-mondok ineenik aganaburak inendage mbuku paga liiru mbanulik o nggween paga awo kangga'lek ineenik wonogwe nogo nen, nggeewo nggwok aa'nduk wonagagerak kwe, lek agagerak mbareegwaarak mendek kin ari wage inigen kogo logomenggaarik, it kunduk, Wi! mbarugun o.