Matiyut 13:32 - Ala Wone Peenok Peebi Mbanak

³² Yi mendek ndi mendek anggen nggwok negen. Ndi, kulok anggen ti, abu mbuuluk aret kwe, yakwi iinok, tirak-wa'nggit negen iri'ngga alik-alik ti, mbuulogwe negen kwe, kulok nogo perak, eyo nggwok aret wiganggetak me, yi towe ndi towe mbogut paga nugu menggaarak mendek abok aret wogo nagaatik, inawi kulok nogo eno'mbak paga wuri unggwogo menggaarak o,” yoragagerak.

Matiyut 13:32 ပူးပေါင်းရင်းမြစ်များ

Ndawi 104:12

Towe wiganinuk nugu menggaarak nen Niyo nogo aa'nggi paga inawi wuppunuk wonogwe, Eyoongga enggela'me logonet inoone yogwe, Eeko menggaarak o.

Yetikiyen 31:6

Pege mbareegi, eno'mbak wiganak nogo paga yi towe ndi towe wiga agan nugwi nogo inawi wuri unggwogwe, Eno'mbak wiganak abu'me ndiimbu-nggwiya inaagalogwe ndaganakwi, Eno'mbak wiganak ngguna'me time yi aakumi ndi aakumi yonggonggolaawok nduk, ari unggunuk wonogwe, Eeko nogogwaarak.

Ndaniyen 4:12

Eyo nogo engga abu obeelom wonage, anggen mondok alik negen yugu wonage, eyo ti nen yi mendek ndi mendek ineenik wonogwe abok aret inambi magarage, ndiimbu-nggwiya abok eyo ti nen nobarinabuwak nduk, abu'me ari wogwe, eno'mbak paga yi towe ndi towe inawi wuppunuk wonogwe, yi mendek ndi mendek ineenik wonogwe abok aret eyo ti, anggen nunggwi paga ineenik wonogwe, eekwi iigirak o.

Takariya 4:10

Togop me, It elaambirik wukwi yi, aret wurugun lek kogo o, yinuk, meek mbakwi ti, taani o? Keele wakkagak aap Terubaben eenggime wonage inigen kogo logonet, inale'nggen mbako logogun o,” yinuk, yo'nege kagarak. Ndi, “Ndi wuninggak 7 ti, Aliku ALA enegen o nggween paga yime abok aret looge wonage nogo aret o.”

Marakut 4:30

Ti'nuk, ambinom yorage logonet, “At Ala abu'me piyoorak nogo ti, nano paga wakka o? At abu'me piyoorak nogo ti, wone ngge paga laarogo yokkira o?

Marakut 4:32

anggen yumbungge kenok, yi mendek ndi mendek yarak me lagangge ti, mbuuluk negen lagangge menggerak kwe, kulok anggen perak, mbuuluk aret kwe, lagangge logonet, ero nggwok aret kwit agan lagangge nagaatik, eno'mbak wiganggetak me, yi towe ndi towe ngguna'me time aret inawi wuri unggwogo menggaarak nogo aret o,” yoragagerak.

Lukat 13:18

Ti'nuk, at Yetut nen, “Ala abu'me piyoorak ti, nano kokwak o? Ndi, nano paga wakka o?

Nappiigak 1:15

It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 21:20

Mbininogo yoragagerak nogo inaruk konembogo nogogwaarik, Ala wogoppereegwaarak. Wogoppogo nogogwaarik, Pawulut yogo logonet, “Ninore, Pawulut wae. It Yakuri mendek yi aap ndi aap abok aret Yetut oone abet mbareegwaarak kwe, it abok aret Ala wone yugu liiru mbanak nogo iniki ti mban lunik logonet, eerit nogwe yi, iige agandik?

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.