Matiyut 13:25 - Ala Wone Peenok Peebi Mbanak

²⁵ Yake mbareegi, it aakumi ugun nogo yugwi iigak, at imbirak ogoorak mengge rak nogo nen wage nagagerik, gandum awi yarak enggela'me nogome iri'ngga maluk mendek yumbunogo punuk, mbaganeegerak.

Matiyut 13:25 ပူးပေါင်းရင်းမြစ်များ

1 Endagembogut 3:20

Kangge mbaki, oonikiya nogo iniki mbere eeke paga, an kayeloman nogo yege neegak, at aa'nduk eenik a'nuk, at aagaluk kanggerak nogo waganogo an nogome nggeloppi wage nagaarik, naagaluk eenik wonage nogo waganogo at ogome lamooppatinuk, puk agaarak o.

Matiyut 13:24

Yorage nagagerik, Yetut nen wone ambi eegu laarogo yorage logonet, “At mbogut paga mendek abu'me piyoorak nogo ti, aap ambi awi obeelom mendek eyabu me yareegerak nogo pogom aret o.

Matiyut 13:26

Mbagangge kagak, gandum awi yarak nogo mbilangge nagagerik, anggen yi'nage kagak, iri'ngga maluk mendek enggela'me yumbuneegerak nogo kin agagerak.

Matiyut 13:27

Kin age mbareegi, aap eyabu unde ayeloman nogo, at owagam wogo nogogwaarik, yogo logonet, Ninogoba wae. Iri'ngga awi obeelom mendek mban keyabu me yakendak nogo lek a? Iri'ngga maluk mendek enggela'me wunggerak ti, ngga nen wunggerak?

Matiyut 13:29

Yogo mbareegwa, at nen, Lek o. Iri'ngga maluk mendek kinogo wumbogo logonet, gandum inom kinogo wumbukwak me, mage o.

Matiyut 13:30

Anggen mbaniyak eyom awo me, imbirak lagangge logowak nduk, teppinip o. Ndi, anggen mbaniyak eyom panggoni wage kenok perak, an nen it anggen mbanggo menggaarak nogo yorage logonet, Iri'ngga maluk mendek ti, kani nawak nen aa'nduk kinogo keele maakwi, ndi, gandum kenok kuwak eerogo an pege minggim time pugwi, eeko logowak nduk, yoraagin, yoragagerak o,” yinuk, yoragagerak.

Matiyut 13:39

At aap imbirak ogoorak logonet, awi maluk mendek yumbuneegerak nogo ti, Ibilit aret. Anggen mbaniyak eyom nogo ti, o age yobok aret. Ndi, it anggen mbanggo menggaarak nogo ti, it malayikat nogo aret me,

Matiyut 25:5

Wundi nogo nogogwaarik, kwe kolage nogo waga'lek elaambirik mbareegi, it komologwe nogo, nogolumok aganake mbareegi, nogo yereegwaarak.

Iberani 12:15

Ala iniki kunik en obeelom eeppinaneegerak nogo mbo pugwi kiyo, liippogo logonip o. Iri'ngga ale warak mendek ambi mbiingga larak paga pegaatak me, mbiingga apit ale age menggi kwak, aap ambi kinenggela'me oone togop agan nege kenok, kit aakumi apit at oone konembunuk, maluk eeriyak koonggwi kiyo, liippogo logonip o.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.

2 Peterut 2:1

Maan aa'nduk it aap wone pilit pugunogo yorogo menggaarak mendek nogo nen aakumi Iterali inenggela'me unggwi wogo nogogwaarik, pilit pugunogo yorogo nogogwaarak nogo ndak-ndak, peebi it aap ti mendek nogo nen, kit maluk eerogo pinagawok nduk kinenggela'me unggwi woraagun o. Ndi, unggwi wogo logomenggaarik, aakumi ambik iniki nomoninabuwok nduk, yi wone ndi wone abe mendek lek kagak, pilit pugunogo kinikime manabit wogo logonet, “At amiya paga ninonggo mbaneegerak Aliku ninowe Yetut aret o, yinuk, yogwe nogo ti, nit nineenggo'lek o,” yinuk, agan wogo logomenggaarak paga abera'lek me, Ala nen it inenggaawak lek eerogo piyaagin o.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Wayu 13:14

At nggeewo aa'nduk lagi wagaarak oone kiliregerak paga, eerubok mendek iya tit eerit nage logonet, “Nggeewo negen ambi mbuti tege paga wakaarak kwe, eenik agaarak nogo, ogut wakkagak ambi ogobakkigirogo punuk, at mban alut eeko logonip o,” yinuk, it aakumi nggween paga wonogwe nogo inambokan lagangge logonet, yorage kagarak.

Wayu 2:20

mbuuluk ambi ninggin eekwi iigirak me, yoraawak nduk, yoriyak, yokkiri o. Kwe Iteben nogo nen, An Ala wone yorage minggirak mendek aret o, yinuk, an nayeloman mini ineebe ambik nomoniren nage logonet, kumi ugun-ugun wurinabit nogwe, ndi, kugi aanggo warak nunggwi, eerit nogo logowak nduk, mamunirage kagak kwe, mberega'lek, Op aret o, yinuk teppugwi iigirak me, abu neebi lombok ee'nake kenok yagi o.