Matiyut 13:22 - Ala Wone Peenok Peebi Mbanak

²² Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Matiyut 13:22 ပူးပေါင်းရင်းမြစ်များ

Ndawi 52:7

“Ala nen narum logowak o, yinuk, abu'me unggwaga'lek Amendek ambik wonage nogo paga iniki panggombege, Aakumi tebenogo piinet nage kenok Endage tiyak yegerak paga iniki panggombunuk wonage, Eekerak paga eeppege aap yi, kaanip o,” Yinuk, yogo logogun o.

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Kini Wuppiige 11:28

Aap ineenggi warak paga iniki panggonak wonogwe ti, Eyo engga mono-mono wangge menggi kwak, Yigeebu wanggo menggaarak kwe, It aap iniki abe koonak ti perak, eyo anggup awo lake menggi kwak aret logogun o.

Kini Wuppiige 23:5

Towe pen ware oo'nu enaabit wungge nagaatik, wiga agan ogona time iyok lek lek ari nage menggi kwak, Kamendek wonage ti, kenegen awo pekkage keegak, aret lek arigin o.

Wone Alom Kibingga 4:8

Aap ambi aput wulaga inom, awot wulaga inom, wonogwe lek iigak, alik mban wonage logonet, Amendek wonage nogo, “Abu aret wonage,” yinuk, kuli pega'lek yabu nggwiirit-nggwaarit eerit nage nagaatik, iniki mbake logonet, “An aap ta ake nggwiirit-nggwaarit eerit nage, Ndi, nonggop nduk nale'nggen lek kagak eerit nage, Eeke agarik o?” yereegerak. Ti eereegerak ti kunduk, aaninggin eerogo patiyak kagak aanom warogo eerit nage kagagirak.

Yeremiya 4:3

At Aliku ALA nen it aakumi Yekura mendek inom, kota Yerutalem mendek inom, yoroorak yegerak nogo yi aret. “Alok-palok wonage me awi yumbunit nugwi ti, mbo punuk, Inanggween pena wonage nogo eeri ungguwak o.

Matiyut 12:32

Kit an aap aret nda'nagagirak nogo, kinoone miyuk-meya eerogo panugwi kiinok, kinomaluk ti, Ala nen lek eerogo pinagarak kwe, Aberiniki miyuk-meya eerogo pugwi kiinok perak, Ala nen o yogondak inom, peebi inom, kinomaluk ti, lek eerogo pinagagin lek o. Mondok itok kunik aret logogin o,” yinuk, yoragagerak.

Matiyut 13:39

At aap imbirak ogoorak logonet, awi maluk mendek yumbuneegerak nogo ti, Ibilit aret. Anggen mbaniyak eyom nogo ti, o age yobok aret. Ndi, it anggen mbanggo menggaarak nogo ti, it malayikat nogo aret me,

Matiyut 13:40

it aakumi nen iri'ngga maluk mendek kenok, kuwak eerogo kani kunggwi nogo pogom ti, o age yobok paga eeriyak nogo aret.

Matiyut 13:7

Ndi, ando iri'ngga alok-palok me wambit nagagerak. Iri'ngga alok-palok me wambit nagagerak nogo ti, mbilaneegerak kwe, alok nogo lagangge logonet, mbanogo wurabeegerak.

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Lukat 12:21

Yinuk, yorigin me, Ala nen it aakumi agi mendek paga ineenggi lek logonet, ogu mendek paga mban ineenggi warak eekkologwe iinok, at aap ti ndak-ndak aret o,” yinuk, yoragagerak.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Lukat 8:14

Iri'ngga alok-palok me wambit nagagerak nogo ti, it aakumi wone inaruk konenggwi kwe, ambi eeriyak nduk, Ao, yinuk, iniki piirik wonogwe, ineenggi warak eekkoloorak mban iniki aberit nugwi, nggween paga ale'nggen logorak mban iniki koonit nugwi, eerit nugu logonet, wone yugu nogo mbanogo wuppogo menggaarak nogo aret o. Anggen abe mendek abu yugulik aret menggaarak.

Nappiigak 8:18

It nappiigak nen aakumi inanobak ineenggi tebeninako mbareegwa, Aberiniki wogorage at Timon nogo iige nagagerik, onggo wu wogoroorak eeke logonet,

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

1 Korindut 1:20

it aakumi iniki warak nogo ti, taani mbakop? It Ala wone unde ti, taani iigo ogotik? Ndi, wone alom kibingga ambi wonage nduk, yogo ogotik? Abu lek aret o. It nggween paga mendek nen, “Niniki warak logonet, koonggo o,” yinuk, yogo menggaarak nogo, at Ala nen, “It wi negen koombunuk, eekwi,” inombake kagak, yogo menggaarak nogo lek a?

1 Korindut 2:6

It aap iniki kole kenok perak, wone nit nineenu nogo yorogo monggoorak aret kwe, wone nit nineenu logonet, yorogwe nogo ti, nggween paga wone nogo mendek lek o. Ndi, it aap inayuk warak nggween paga yime menggaarak yogondak lek arit nogwe nogo, wone ineenu logonet, yorogwe nogo mendek lek mban.

1 Korindut 2:8

At Ala iniki liippunuk, kooneegerak nogo ti, it aap nggween paga yime inayuk warak wonogwe nogo nen liippulik o. It nen liippenetak nen at ninowe mondok tiyanak menggerak eyo karo-karo paga wareegwaarak nogo wa'netak lek o.

1 Korindut 3:18

Kit nen, “An abu neenu,” mba'nuk, eekko'net nugwi paga kinambokan laganggologwe me, togop mbarugup o. It aakumi nggween paga mendek nen, “Nit abok nineenu me, niniki warak aret o,” yinuk, mbakwi ndak-ndak, kit ambi togoti mbakwi kiinok, Ala nen kiniki warak kinombaruwak nduk, wi negen a'nuk, logonip o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

Nggalatiya 1:4

O yogondak yi paga, it aakumi nggween paga mendek nen maluk mban eerit nogo menggaarak nogo, ninom eekwi niyo, ndinogo wo'ninabikit nduk, at ninogoba Ala mbareegerak nogo ndak-ndak, nit maluk eekwi niinok, ninowe Yetut Keritut nen, “Inake kambikit o,” yinuk, ninake kambeegerak.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.

2 Timotiyut 4:10

At Ndemat nogo, nggween paga mendek mban inikilom agagerak me, mbo paninuk o Tetalonika nagagerak o. Ndi, at Kereket o Nggalatiya nage, at Titut o Ndalamatiya nage, eekwi iigak,