Matiyut 13:17 - Ala Wone Peenok Peebi Mbanak

¹⁷ Kit kinigen kogwe nogo, Ala nen yorage kagak yoraga inom, iniki abe koonak wonogogwaarak inom, it apit nen, Ninigen kaawok lak ao, mbako nogogwaarak kwe, kaga'lek aret wonogogwaarak o. Ndi, kit kinaruk konenggwi nogo, it togon, Nit ninaruk konenuwok lak ao, mbako nogogwaarak kwe, konengga'lek aret wonogogwaarak o, yinuk, abet aret yokkiragi o,” yoragagerak.

Matiyut 13:17 ပူးပေါင်းရင်းမြစ်များ

Lukat 10:23

Yorage nagagerik, at oone waganggwi enegen pegiige nagagerik, inaligiluk yorage logonet, “Kit kinigen kogwe nogo, it aakumi kogwe kenok, iniki ale'nggen aret kogo logogun o.

Lukat 10:24

Kit kinigen kogwe nogo, it Ala nen yorage kagak yoraga mendek inom, it aap inendagembogut inom, it apit nen, Kaawok lak ao, mbako nogogwaarak kwe, kaga'lek aret wonogogwaarak. Ndi, kit konenggwi nogo, it nen, Konenuwok lak ao, mbako nogogwaarak kwe, konengga'lek aret wonogogwaarak o, yinuk, yokkiragi o,” yoragagerak.

Yaya 8:56

At kinombo Abarakam nogo nen an eeri woroorak nogo neyoorak ale'nggen ambik mbareegerak me, peebi neege nagagerik, iniki ale'nggen aret mbareegerak.”

Iberani 11:13

It aap ti abok aret, “Wokkiraagin o,” yoragagerak wone nogo, agalu'mok negen o nda taati wage inigen nakkogo nogogwaarik, “Nogo yi aret ee'ninabi wage kogo o,” yinuk, iniki ale'nggen mbako logonet, “Nit aap o nggween paga yime ninaworak wonogwe lek o. Aap nggiru negen aret ogoorik o,” yinuk, wone yugu eebe liirogon woolik kwe, “Abet aret wo'niraagin o,” yinuk, iniki abet mbareegwaarak ti paga, eebe waganeegwaarak negen aret logonet, kambit nogo nogogwaarak.