Matiyut 12:50 - Ala Wone Peenok Peebi Mbanak

⁵⁰ Yi aap ndi aap an nogoba mbogut paga mendek iniki mbake ndak-ndak eeko menggaarak kenok ti, nagalo-nawurilogwe it aret o,” yinuk, yoragagerak.

Matiyut 12:50 ပူးပေါင်းရင်းမြစ်များ

Ndawi 22:22

Kendage wiganogo noreewi wonogwe me yoranet nage, Kapuri kuwak aago inenggela'me kendage tiyappege, Eerigin o.

Ndawi Iya 4:12

Niriluk o. Noreeluk o. Kat yabu yarak u narak kwak wonage, Keebe yi eneeri non mbanogo punuk, kugi pugu kwak wonage,

Matiyut 12:49

Yoge nagagerik, it at oone waganggwi nogo eenggi titik irage logonet, “Lek o. An nagalo-nawurilogwe ti, it yi aret o.

Matiyut 13:1

O ti eyom paga at Yetut oome nen wundi nage nagagerik, yi yenggenak aa'nggi paga kwi'nagagerak.

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 25:45

Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Matiyut 28:10

Eeko mbareegwa, Yetut nen, “Kinagabiti yugup o. An o Nggalileya nage me, time nawuri neya nawak nduk, yora nanip o,” yinuk, yoragagerak.

Marakut 3:35

At Ala iniki mbake nogo ndak-ndak eeko menggaarak kenok ti, an nagalo inom, nawuri wologwe-komologwe inom, nogo it aret o,” yoragagerak.

Lukat 8:21

Yogo mbareegwa, at Yetut nen, “Nagalo-nawurilogwe ti, Ala wone konembunuk, eeko menggaarak it yi aret o,” yinuk, yoragagerak.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Yaya 6:29

Yogo mbareegwa, at Yetut nen, “Ala nen eeriyak mbake nogo ti, at nappi wagagerak kiniki oba panggombunuk, abet ombakwi nogo aret o.”

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.

Nappiigak 17:30

O maan nen nineenggo'lek logonet eekwi niigak, Ala nen malenninaka'lek aret wonagagerak kwe, yogondak perak, nit yi aakumi ndi aakumi abok aret ninomaluk mondok mbo puwak nduk yo'nirage agaarik o.

Nappiigak 26:20

Yo'nereegerak nogo aa'nduk lombok it o Ndamitik wonogwe nogo yorage, o Yerutalem wonogwe nogo yorage, ti'nuk, o Yureya enaagan-ambokan inom, it endekem konenggulik mendek inom, yoranet nege, eeke logonet, Kit abok aret kiniki koonogo punuk, kinomaluk paganogo mbo pogo logonip o. Ndi, kinomaluk mbo punuk, Ala mugurok nogwe abet aret kinombaruwak nduk, yi eekak ndi eekak abe mban eerit nogo logonip o, yinuk, yorage nagagirak.

Oroma 8:29

At Ala nogo nen nit at awuri apit ninowe manggu pogom logowok nduk, nineebe nda'naga'lek niigak, at aput obaabut pogom aruwok nduk, mii'ninake nagagerik, leenogo pinaneegerak.

1 Korindut 9:5

It aap nappiigak mendek ando inom, at ninowe awurilogwe ambokan ndarak inom, Peterut inom, Ala wone wonok nugu logonet, inakuwi wogoren nugu menggaarak nogo ndak-ndak, nit togon togop eeriyak meek mbakop?

2 Korindut 11:2

Kwe aap kigin waka'lek kwak, kit an napuri togop logonet, kinogonggelo ambit Keritut aret kolaabagip nduk, abok yokkirage nagagirak nogo kagak, alik eekwi kiige nagarik, Ala apuri at oone mbo punuk, alik mugurok nogwe iinok, iniki wakkolage menggi kwak, an ndak-ndak niniki abu wakkolage agarik o.

Nggalatiya 5:6

Nit Keritut Yetut ninom kunik logonet, ninagabolo mbanak kenok, mbanak lek kenok, ti iya lek o. Ata, niniki abet mbareegurak paga aakumi inabuwa nen obeelom eeppiinet nogo logorak nogo perak iya o.

Nggalatiya 6:15

Inagabolo mbanak kenok, mbanak lek kenok, ti imbirak iya lek o. Ata, niniki ngget ogobakkigirogo pinanege logonet, ninobaabut koonogo pinanege ti perak, iya o.

Kolote 3:11

Nit niniki ngget ogobakkigirogo pinanemenggerak nogo paga eerit nogo logonet, “Yi Yakuri mendek yi Yunani mendek, yi inagabolo mbanak yi inagabolo mbanak lek, yi aap ineenggo'lek mendek yi aakumi nengga mendek, yi aap inayeloman aago mendek yi aap inayeloman aago lek mendek,” yinuk, togop agan nogo logorak lek o. Ata, at yi o ndi o abok aret endak warak menggerak Keritut nogo, nit abok ninowe aret me, at mban tiyappogo logowok o.

1 Timotiyut 5:2

it kumi inanggok ti, kagalomini kokwak, ndi, kumi tawe ti, kat kiriwi kokwak me, it paga kiniki me maluk mondok abeka'lek logonet, yorage logot o.

Iberani 5:9

Teppege mbareegi, nit ee'ninake menggerak nogo, at abu li'luk eerogo mamunggolage nagagerik, nit at oone woppunuk, eerit nogwe nogo, abok aret nineenik mondok-mondok logowok nduk, ninagap ndake logorak alom at aret agagerak me,

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.

1 Yaya 2:17

It aap nggween paga mendek nen iniki koombunuk eekwi inom, yi mendek ndi mendek iniki nengge kenok mugurok nogwe inom, abok aret lek arigin kwe, Ala iniki mbake menggerak nogo, kit ndak-ndak eekwi kiinok perak, mondok-mondok kineenik aret logomunggup o.

Wayu 22:14

Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,