Matiyut 12:44 - Ala Wone Peenok Peebi Mbanak

⁴⁴ Name wundi nagagim nogome niyokan yungguninuk unggwi naakit o, yinuk, unggwi wage nagaatik, awi wuum nogome liirubu koorak ndigik-ndegek aago kenok,

Matiyut 12:44 ပူးပေါင်းရင်းမြစ်များ

Oteya 7:6

Lako menggam kani wunuk mban ari menggi kwak wonogo logonet, Yogop eeruwok, ndogop eeruwok, iniki aganggen kerek togon koonggo nagaatik, It eeriyak koonggaatak nogo oonikiya paga nabu agan wangge, O kubondendok paga kani wunuk ari menggi kwak aganggen eeginake kenok, eekwi, Eeko menggaarak o.

Matiyut 12:29

Aap anini warak ambi awo keele maaka'lek kagak, nonggop togon at ame unggunuk, amendek ndinggo'nok wundi noorak mbakop? Keele aa'nduk maappunuk perak, amendek ndinggola ungguurak op aret o.

Matiyut 12:43

Wone ambinom yorage logonet, “Kugi ogole warak mendek aap inikime nen wungge nagaatik, Nggeeme yonggonggola? yinuk, niyo ero lek me kwaarit negetak-negetak yonggonggolaawam lek kenok,

Matiyut 12:45

wundi nage nagaatik, at maluk aret kwe, kugi mondok maluk mendek ineebe 7 kuwak eeppiinok, wogoret iyok paga unggwi wage nagaatik, nogome inom aret menggerak me, aap nogo aa'nduk kugi ambiret inikime wonage me mbuuluk op wonagagerak kwe, peebi apit yagabit arit unggwogwe iinok, aap nogo abu maluk aret logogin o, yinuk, kit aap yogondak wonogwe maluk lombok eerit nugwi yi, togop aret eekkinake kaamunggup o,” yinuk, yoragagerak.

Lukat 11:25

unggwi wage nagaatik, wundi nagagim nogome liirubu koorak ndigik-ndegek aago kenok,

Yaya 12:6

Wone yereegerak nogo ti, it aap inamendek lek nogo inabuwa mba'nuk yereegerak ti lek o. Ata, at aap kiraaka mendek me, inawu yonggolak nogo at aret porogo logonet, ando kolagak eeke nagagerak me nduk, yereegerak.

Yaya 13:2

At Yetut oone waganggwi mendek inom mbi nunggwi me, Ibilit nen Timon aput Yurat Ikariyot Yetut onggo mbanigin nogo, muk iniki nggagani wage mbareegi,

Yaya 13:27

Wogoge nogo, wagangge kagak, Ibilit Yurat inikime unggwage mbareegi, at Yetut nen, “Yurat wae! Kat eeriyak mbakendak nogo mbet togon eeru o.”

1 Korindut 11:19

Kit wone-wone yogo logonetak lek en, taani nen wone liippunuk agan nugwi nogo, alom kin a'netak lek kwe, wone-wone yogo monggotak nogo paga alom kenom aga o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

1 Yaya 4:4

Napuri niniki kunik yi wae. Kit Ala apuri aret o. Ndi, kit Ala apuri aret me, at omaawi ambik Aberiniki wokkiragagerak kinikime wonage nogo ti, omaawi ambik, ndi, it aap nggween paga mendek mban mugurok nugwi inikime wonage nogo ti, omaawi mbuuluk me, it Ala nen yorage kagak yoraga inetenggen kumbunuk agan wogwe ti, muk tebenogo piyareegutak o.