Matiyut 12:42 - Ala Wone Peenok Peebi Mbanak

⁴² Kwe nggwok o ame pa'nggwe nen at Talomo iniki warak logonet, wone koongge menggerak nogo, aruk konenikit nduk wagagerak kwe, at Talomo ti, aap mbuuluk negen. Ndi, at ambi yime wonage yi perak, abu nggwok aret kagak, kit at oone konengga'lek wonogwe me, peebi aakumi inowak looniyak eyom paga at kwe nggwok nogo nen mi'na'nuk, kit yogondak wonogwe yi, Kinenggali o, yinuk, yokkirage kaamunggup o,” yinuk, yoragagerak.

Matiyut 12:42 ပူးပေါင်းရင်းမြစ်များ

1 Endagembogut 10:24

Togop aret me, at Ala nen Talomo iniki warak eeppereegerak paga yi aakumi ndi aakumi o nggween paga abok aret, “Ari kaawok o,” yinuk, owagam wogo nogogwaarak.

1 Endagembogut 3:12

kat mi'naga'lek keegak wonogogwaarak inom, mi'nagandak keegak logorak inom, ti kat ndak-ndak ambi lek aret o. Kat nggino yo'negendak ndak-ndak kiniki warak inom, yi wone ndi wone liippunuk yelok kage logorak inom, eeppagagin o.

1 Endagembogut 3:28

At endagembogut Talomo nen kumi ti inawone mbaneegerak paga it aakumi Iterali mendek abok aret konenggo nogogwaarik, “Ala nen aakumi inawone amburu mbangge logowak nduk, iniki warak eeppereegerak ninowe endagembogut yi, Wi!” yinuk, pi wareegwaarak.

1 Endagembogut 3:9

it kapuri aakumi Iterali ineebe woneemaluk wonogwe yi, ta nen inawone op mbangge logorak mbaken? An meek aret me, inawone mbangge logonet, Yi maluk, yi obeelom, liippunuk, inawone mbangge logokit nduk, an kayeloman niniki warak lombok eerogo panu o,” yoreegerak.

1 Endagembogut 4:29

At Talomo nogo iniki warak inom, yi wone ndi wone mbet-mbet yelok koorak inom, ndi, mbini niyo aa'nggi paga neyanak menggi kwak, yi wone ndi wone alom abok eenu ariyak inom, Ala nen eeppereegerak me,

1 Endagembogut 4:34

yi aap ndi aap inendagembogut o nggween paga menggaarak abok aret, Talomo iniki warak nen ari nogo konembunuk, at Talomo yi wone ndi wone ari nogo inaruk liirogon konenuwak nduk, inawuri nappiya wogo nogogwaarak.

1 Endagembogut 5:12

Ndi, at Aliku ALA nen, “Kiniki warak eeppagagin o,” yinuk, Talomo yoreegerak nogo ndak-ndak aret eeppereegerak me, at Kiram Talomo imbirak iniki ambit eeppunuk, “Nit yogop aret eeko logowok o,” yinuk, wone koonogo pereegwaarak.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Matiyut 12:41

At Yunut ti, aap mbuuluk negen logonet, it aakumi Niniwe mendek wone yorage mbareegi, iniki koombunuk, inomaluk mbo pereegwaarak kwe, at ambi yime wonage yi perak, aap abu nggwok aret me, wone yokkirage nogo konembunuk, kinomaluk mbo puurak op aret kagak, kinogogumbuk wonogwe me, peebi aakumi inowak looniyak eyom paga it aap o Niniwe mendek nogo nen mi'na'nuk, kit yogondak wonogwe yi, Kinenggali o, yinuk, yokkirogwe iyaamunggup o.

Matiyut 12:6

Ala awi wurik nogo ti, meek negen, ndi, ambi yime kinom wonage nogo ti, abu iya aret kwe, kit liippega'lek kiinok, yokkiragi o.

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 1:18

Aakumi nen Ala mondok inigen kogolik aret o. At Ala aput ambolom ndarak iniki kunik lombok nogo nen perak, Ala abok paganogo yo'niragagerak.

Pelaareegerak 30:13

ndi, Niyo nggwok yenggenak ene pagan wonage, mba'nuk, Wone ti, liirogon konembunuk eeruwok lak, ta nen niyo nggwok yenggenak laut nggaruk pegak time wa nage logomenggerik, yo'nira wage, eerigin mbakop? yogwe kiigirak kwe,