Matiyut 12:40 - Ala Wone Peenok Peebi Mbanak

⁴⁰ At Yunut nogo, ikan nggwok inikime yonggolak kagak, nogo mbere yinuk, ko'lu kilirogo wumbereegerak nogo kokwak, an aap aret nda'nagagirak yi, nggween abu'na wonage logominggirik, nogo mbere yippunuk, ko'lu neenik a'nuk, mi'narigin o.

Matiyut 12:40 ပူးပေါင်းရင်းမြစ်များ

2 Endagembogut 14:25

At Aliku Iterali inogoba Ala nen yoge kagak yoraga ayeloman Amitayi aput Yunut o Nggat-Kepet mendek nogo yoge kagak yoragagerak nogo ndak-ndak, at Yerobeyam nogo nen it Iterali wonogo menggam inanggween o Kamat tu unggwogo menggam nen nok, niyo Mayu Ogup Yenggenak kuli mbanak nogo obaane'me kolagagerak.

Ndawi 63:9

It an nooriyak koonggwi nogo inenggaawak lek ogwe, Nggween abu'na kiiniki paga wambi nogwe, Eerugun o.

Yunut 1:17

Ti eekwi iigak, Aliku ALA nen Yunut nogo ambeme yonggoluwak nduk, yikwe nggwok ambi nappi wagagerak yonggoleegerak inikime wonage kagak nogo kenagan aret yereegerak o.

Matiyut 12:8

It Yakuri tamban eekwi paga eerit nogo logorak unde nogo ti, aap aret nda'nagagirak an aret o,” yinuk, yoragagerak.

Matiyut 16:21

Inaruk wareegerak ti eyom paga nen at Yetut nogo at oone waganggwi yorage logonet, “An o Yerutalem time noorak agaarak me mondok nage agarik o. Nage neenok, It aap inanggok inom, it Ala unde inoweewi inom, it Ala wone liiru mbanak unde inom, nen noba aaninggin-paaninggin agago paninuk, noorugun o. Nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, paganogo yoragagerak.

Matiyut 17:23

nooko mbaremengga, nogo mbere yippunuk, ko'lu Ala nen neenik agago mippanigin o.” Yorage mbareegi, at oone waganggwi nogo iniki abu maluk ogogwaarak.

Matiyut 27:40

An Ala awi wurik minogo punuk, obaane'me wuke neegak, nogo mbere yigin, yagandak nogo, kat Ala aput aret keenok, kagap ndakko'nok wambi mok ubi.”

Matiyut 28:6

At nen yokkirage nagaarak nogo ndak-ndak aret eenik a'nuk mi'nagaarak me, eebe yime lek o. Kinogoba windak wonagam mban kinigen kaabagip nduk, wa'nip o.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Yaya 2:19

Yinuk, inoone panggok togon yogo mbareegwa, at Yetut nen, “Lek o. Ala awi wurik yi, minogo pinip o. Minogo pugwi kiinok, wuke neegak, nogo mbere aret yumunggup o.”