Matiyut 12:35 - Ala Wone Peenok Peebi Mbanak

³⁵ Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Matiyut 12:35 ပူးပေါင်းရင်းမြစ်များ

Ayup 8:10

Eeke keenok, it nen kat mamunggugwi, wone yokkugwi, Eeko logonet, Yi wone ndi wone inikime wonage nogo kilirogo yokkirugun lek mbaken?

Kini Wuppiige 12:6

Aap inooruwok nduk enaako mengga kwak, aap maluk eeka inoone ti, togop aret eeppiinet nugu menggaarak kwe, It aap iniki koonak inoone yogwe paga perak, aakumi inagap ndarogo piigo menggaarak.

Kini Wuppiige 15:23

Aap ambi wone onggo lik togon yorage nagaatik, iniki ale'nggen mbake menggerak me, Wone yuurak age kenok, ndak-ndak yoroorak ti mondok obeelom aret o.

Kini Wuppiige 15:28

Aap iniki abe koonak nen wone onggo yuurak kenok, oone yungguppunuk ari menggerak kwe, Aap maluk mendek nen perak, oone maluk ugun-ugun kilirogo wumbit nage menggerak.

Kini Wuppiige 15:4

Inoone yanggonak yogwe paga eyo ki lagangge menggi kwak, aakumi obeelom eerogo piigo menggaarak kwe, Inambokan laganuwak nduk agan nugwi paga perak, aakumi iniki andi eerogo piigo menggaarak.

Matiyut 12:34

Waalo aakumi inooka kuwak eerak pogom kit aret o. Ninikime uum kilu-kilu wungge logonet, ninambe paga yogo monggoorak me, kit abu maluk logonet, kinoone paga nonggop togon wone obeelom yuurak? Meek o.

Matiyut 13:52

Yogo mbareegwa, at Yetut nen, “Ti kenok, it Ala wone liiru mbanak unde abok aret at mbogut paga abu'me piyoorak wone nogo waganggwi iinok ti, aap inowe ambi nen awuri yabu eeko logowak nduk, amendek iniki kunik ngget mendek inom, maan mendek inom, pege menggim nen waganogo wumbege menggerak nogo pogom aret o,” yinuk, yoragagerak.

Matiyut 7:17

Lek o. Eyo obeelom mendek kenok ti, anggen obeelom mendek aret yege menggerak. Ndi, eyo maluk mendek kenok ti, anggen maluk mendek aret yege menggerak.

Lukat 6:45

Aap abe mendek inikime yugu abe mendek nogo paga obeelom mban eeke menggerak. Ndi, aap maluk mendek inikime yugu maluk mendek nogo paga maluk mban eeke menggerak. Inikime uum kilu-kilu wungge logonet, ambe paga nen ari menggerak o,” yoragagerak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

Kolote 4:6

Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.