Matiyut 12:34 - Ala Wone Peenok Peebi Mbanak

³⁴ Waalo aakumi inooka kuwak eerak pogom kit aret o. Ninikime uum kilu-kilu wungge logonet, ninambe paga yogo monggoorak me, kit abu maluk logonet, kinoone paga nonggop togon wone obeelom yuurak? Meek o.

Matiyut 12:34 ပူးပေါင်းရင်းမြစ်များ

Ndawi 53:1

It aap yuundurak iniki me nen, “Ala eebe lek aret,” mbako menggaarak. It aakumi ineraambe abu maluk lombok logonet, Ogole warak mendek mban eerit nugu menggaarak. It ambiriluk ambi obeelom eekulik maluk mban aret eeko menggaarak.

Ndawi 64:3

Inamili ti, wooluwak engget nggabunogo pugwi kwak me, It inoone paga nen nooruwak nduk koonogo pugwi, Maale irip paga wi perenak mba'mbak irogo mengga kwak, Inoone andiigwi paga nooruwak nduk li'luk eekwi,

Ndawi 64:5

Maluk eeriyak koonggo logonet piyok ari kero, At ambi nen at ambi omaawi eeppegak eekwi, It nen yogo logonet, “Nit aap yilunogo puurak wone koonggwi yi, Ta nen eenu age mbakop? Lek aret me, Kote eeppiinet nogo logowok o,” yinuk, yogwe,

Kini Wuppiige 16:23

Iniki warak nen aap oone liippunuk yuwak nduk eeppege, Ndi, oone nabek togon mamunirage paga wone mbet-mbet waawak nduk, eeppege, Eeke menggerak.

Kini Wuppiige 4:23

Ndi, keenik logonet, eerit nage logorak ti, Niyo eneeri kwak kiniki aret me, Wone ti unde wake logonet, kiniki inom mondok-mondok unde wakkolage logot o.

Yetaya 59:14

Wone yugu ndak-ndak eeppinaniyak nogo eeppinani waga'lek tayo yinuk wonage, Obeelom mban eerit nawok nduk ee'ninabi woroorak nogo ee'ninabi waga'lek tayorogon wonage, Wone abet mban agan nogo logorak wone tu nggwok paga non mbannage, Ndi, iniki koonak logonet, eeppiiga unggwi woroorak meek age, Eekerak paga

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yetaya 9:17

It aakumi abok aret ti, maluk mban eeriyak mbako logonet, Ala ineebi mbakwi, It abok aret wone yuurak lek kagak aap wi yogo mengga kwak agan nugwi, Eekwi me, Ninogoba Ala ti, wologwe tawe nogo inikilom mbake, Ndi, elege moono inom, kumi nanu inom, inabuwa mbake, Eerigin lek aret o. Ti abok eeginabigin kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Matiyut 12:35

Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Matiyut 15:18

Ndi, kinoone yogo monggotak nogo ti, kinikime nen aret wungge nagaatik, maluk eekkinake menggerak o.

Matiyut 23:33

Kit waalo muuru nogo mendek awi wiganak yi, Ala nen owak loonogo kani omoonuk wunuk mban ari menggim time nappinagage kenok, nonggop togon kole mbaganumunggup o? Abu meek aret o.

Matiyut 3:7

Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Lukat 3:7

Yoranet nage me, it aakumi ambik nen, “Nit yiime wuppinanuwak o,” yinuk, at owagam kuwak eeri nogogwaarak nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo eeppinagage kero, mbaganubagip nduk, ta nen kurumbi yokkiragaarak?

Lukat 6:45

Aap abe mendek inikime yugu abe mendek nogo paga obeelom mban eeke menggerak. Ndi, aap maluk mendek inikime yugu maluk mendek nogo paga maluk mban eeke menggerak. Inikime uum kilu-kilu wungge logonet, ambe paga nen ari menggerak o,” yoragagerak.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Epetut 5:4

Kumi inabok mban agan nugwi, elege negen ugun i'ndok kambuurak mban agan nugwi, iniki kumi paga mban lunik logonet, inoonewak agan nugwi, eekwi ti mendek abok aret yuurak lek maluk mendek kagak agan nugwi me, kit Ala apuri kenok togop yuurak mondok mage. Ata, Ala, “Wa!” mban yoge logonip o.

Yakobut 3:2

Nit abok aret niniyogobit lik togon yigeebu wanggo monggoorak o. Nit ninoone yogootak paga irip paga maluk age lek kenok, nit mondok obeelom logonet, nineenggi-niniyok paga maluk eeriyak ee'ninake nogo, abok aret tebenogo pogo logorak op aret o.

1 Yaya 3:10

Ala apuri inom, Tile apuri inom, nano paga nineenu ariyak nogo yi aret. It aakumi obeelom eeka'lek maluk mban eekwi, inowe-inawot iniki kunik eekwi lek ineebi mbakwi, eekwi iinok ti, Ala apuri lek aret yelok iigo monggoorak.

1 Tamuwen 24:13

It aap inanggok nen wone laarogo yogo logonet, It aap maluk eeka nogo nen maluk aret eeko menggaarak o, yinuk, yogo menggaarak nogo ndak-ndak an nen neenggi teeluk a'nuk, kat maluk eeppagagin lek o.