Matiyut 12:30 - Ala Wone Peenok Peebi Mbanak

³⁰ An ninom lambunik wonogwe lek iinok ti, ninom ogoorak aret wonogwe o. Ndi, an ninom kuwak eekulik nogo nen it ninom kuwak eeke minggirak nogo mappiigo menggaarak aret o.

Matiyut 12:30 ပူးပေါင်းရင်းမြစ်များ

Wakkagagerak 49:10

Aap endagembogut ambin mbanak Mondok kat Yekura keenggime aret wonage, Ndi, ogoba nen aput awone kilirigetak nogo Porogo wonage menggi kwak, Kat keebe paga wiganak nogo nen mban wone ti, Eenggime pipporogo wonage, Eerit namenggi-namenggi Wone Alom Unde nogo kin ari wage kenok, Yi aakumi ndi aakumi inanebunu lombok abok aret At ari kenok mban eeko logogun o.

Ndawi 94:16

Ta nen it aap maluk mendek inoone taganogo piinok, an naana'le mbangge, Aap ta nen nimbirak a'nuk, it aap maluk eeka inoone lek eerogo piinok, nawone mbangge, Eerigin mbakop? Lek me,

Kini Wuppiige 11:24

Aap ambi amendek yumbuk-yumbuk eeke menggerak kwe, amendek ambik aret age, Ndi, aap alik ambi amendek ambik wonage kwe, wogoraga'lek nggilimi kenok, eenggi lek arit unggwage, eeke menggerak.

Oteya 1:11

It aakumi Yekura mendek inom, Iterali mendek inom, aa'nduk iniki ambit a'nuk wonogogwa kwak, peebi iniki ambit a'nuk, inowe inarum logorak ambi leenogo mippunuk, it mbo piya namenggam nogome nen woraanuk, o yime it aret unde eeppatinuk logogun me, O Yiteren eeppuurak eyom nogo ti, mondok iya aret o, yinuk, yogo logogun o.

Matiyut 12:29

Aap anini warak ambi awo keele maaka'lek kagak, nonggop togon at ame unggunuk, amendek ndinggo'nok wundi noorak mbakop? Keele aa'nduk maappunuk perak, amendek ndinggola ungguurak op aret o.

Matiyut 6:24

Yorage nagagerik, ambinom yorage logonet, “Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi ombake logonet, ambi iniki kunik ombake, ndi, ambi nen eeriyak yoge nogo, yanggorogon eeke logonet, ambi nen eeriyak yoge nogo eebi ombake, eerigin o. Kit nen Ala inom, nggween paga mendek kineenggi warak eekkologwe nogo inom, imbirak lambumbunuk, mugurok noorak ti meek o.

Marakut 9:40

It ninom ogoorak lek kenok ti, nit mendek aret o.

Lukat 11:23

It an ninom lambunik wonogwe lek iinok ti, ninom ogoorak aret wonogwe o. Ndi, an ninom kuwak eekulik nogo nen it ninom kuwak eeke minggirak nogo mappiigo menggaarak aret o,” yinuk yoragagerak.

Lukat 9:50

Yoge mbareegi, at Yetut nen, “Mage, yoriyak ti, mage o. It kinom ogoorak lek kenok ti, kit mendek aret o,” yoragagerak.

Yaya 11:52

Aakumi Iterali mendek inake mban ti lek o. Ata, it aap Ala apuri yi awi ndi awi mak eerak wonogwe nogo kuwak eeppiyamenggerak iniki ambit lambunik logorak inake kambuurak me nduk, yoragagerak.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

Yotuwa 5:13

Ti'nuk, at Yotuwa nogo o Yeriko panggorogon ari woraanuk, enegen ni'nage nagagerik, aap ambi wooluwak eenggime nutik at enaame mi'ndak wonage kagagerak. Kage nagagerik, owagam nanuk, aap nogo yoge logonet, “Kat ninore mendek ilik? Ninawim mendek a?”

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.