Matiyut 12:25 - Ala Wone Peenok Peebi Mbanak

²⁵ mbakwi at Yetut nen yelok iige nagagerik, it yorage logonet, “Aap inowe ambi at abu'me menggaarak inom it-it ogookko'nok ma'nogwe iigak, at abu'me piige menggim omaawi lek aret arigin o. Ndi, o kota ambi a, kunu ambi a, it-it aret ogooppunuk, mbaganggwi iinok ti, inawi ti wuum lu agan nage logogin o.

Matiyut 12:25 ပူးပေါင်းရင်းမြစ်များ

1 Endagembogut 16:21

Ne ti eyom paga it aakumi ando nen aap Ngginat aput Tibini mippuurak yogwe, ndi, it ando nen Omiri mippuurak yogwe, eeko logonet, Iterali oolo mogonggologogwaarak.

Ndawi 139:2

An kwi'nage, mi'nage, eeke neegak, liippanege, Niniki koonit nage minggirak nogo O nda nen yelok na'neya wage, Eeke menggendak o.

Yetaya 9:21

Neyak-keyak yogo logonet, it aap Manate mendek nen Eparayim mendek inoorogo piigwi, Ndi, it Eparayim mendek nen it Manate mendek inoorogo piigwi, Eeko logonet, It imbirak lambunna'nuk, Yekura inom wim eerugun o. Togop eerugun kwe, at Ala anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Matiyut 9:4

It iniki mbakwi nogo at Yetut yelok iige nagagerik, yorage logonet, “Kit nonggop nduk kinikime maluk aret koonggo ogotik?

Marakut 2:8

It iniki togop mbakwi at Yetut nen yelok iige nagagerik, it yorage logonet, “Kit nonggop nduk kiniki togop mbako ogotik?

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

1 Korindut 2:11

Aap ambi iniki mbake nogo, it ando ineenggo'lek iigak, at alik eenu menggerak ti ndak-ndak, Ala mbake nogo Ala Aberiniki alik mban eenu menggerak.

Nggalatiya 5:15

Kit neyak-keyak yogo logonet, at ambi nibinogo nappegak eekwi paga kineebe lek eerogo pakwi kiyo, liippogo logonip o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

Wayu 16:19

Ti eeke kage nagarik, wonage me, o kota nggwok nogo nggween mondok nggoguk ari logonet, kenaga'ndak mogonnage, ndi, yi awi ndi awi nggween paga kota-kota nogo abok aret yigirik-noonom arit nage, eeke kagak, at Ala nen, “O kota nggwok Mbaben nogo perak, at maluk eeke onggo anggur amburu toolak kwak an nanini lombok ombake minggirak toolak nogo, yogondak aret oba kilirogo wuppigi o,” yinuk, kilirogo wuppege kagarak.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.