Matiyut 12:21 - Ala Wone Peenok Peebi Mbanak

²¹ It aakumi inanebunu lombok nen at paga iniki lunik aret logogun o,” yinuk, yoragagerak wone nogo a'me lik yuwak nduk aret eereegerak o.

Matiyut 12:21 ပူးပေါင်းရင်းမြစ်များ

Yetaya 11:10

Ne ti eyom paga eyo omanggen Itayi paga agarip ndaremenggerak nogo yi aakumi ndi aakumi ineenu agak aret mi'nage, aakumi inanebunu lombok nen at abu'me ari unggwogwe iinok, at logowam mondok tiyak ari, eeke logogin o.

Yetaya 42:4

O nggween paga yime wone yugu a'me nggelok eeko logowak nduk, omaawi eerogo pega'lek logonet, At iniki pi nagak ari, eeka'lek iinok iniki wakkolage, Eerigin lek o. It aakumi inawi o irip-irip nggween ku'mbanak me wonogwe nogo abok aret at oone yugu nogo iniki lunik logogun o,” yinuk, Aliku ALA nen yegerak o.

Matiyut 12:22

Ti'nuk, aap ambi kugi inikime unggwagagerak enegen mbuk oone lek me, Yetut owagam wonok wogo mbareegwa, Yetut nen obeelom eeke mbareegi, aap oone lek mendek nogo oone warak age, enegen kage, eereegerak.

Kolote 1:27

Wone alik negen mondok iya lombok eeppinaniyak kagak kumaarak wonagagerak nogo, at Ala nen, “Peebi aakumi endekem konenggulik mendek inom ineenu eeppiyaakit,” mbareegerak nogo, yogondak iluk aret it at apuri ineenu eeppiigerak o. Wone kumaarak wonagagerak eebe nogo ti, Keritut ninom kunik wonogwe nogo aret. Ndi, ninom kunik me, peebi at ninom ndak-ndak tiyanak logowok nduk, eeppinaniyak niniki lunik wonogwe abet aret kola nagun nineenu ee'ninake niniki me wonage nogo ti, Keritut aret o.