Matiyut 12:2 - Ala Wone Peenok Peebi Mbanak

² Nenet nogwe it aap Pariti mendek nen inigen iigo nogogwaarik, Yetut yogo logonet, “Tamban eekwi paga yi eekak ndi eekak eeriyak mage yugu kagak, it kat koone waganggwi mendek nen ugun eekwi yi iyet o.”

Matiyut 12:2 ပူးပေါင်းရင်းမြစ်များ

Wundeegwaarak 23:12

Ne 6 paga yabu eeriyak op aret kwe, ko'lu paga perak, inaanggumi lembu-keledai nogo tat yonggonggologwe, ndi, it inom, inayeloman inaagalogwe inom, aap nggiru iniya woramenggerak wonogwe inom, iniki ale'nggen paga tat yonggonggo'net nugwi, eeruwak nduk, yabu eeka'lek puk aret logowak o.

Wundeegwaarak 35:2

Ne aa'nduk nen nok ne 6 kuli paga ti, it yabu eerit nogo logorak op aret kwe, ko'lu paga perak, yabu eeka'lek tat yonggonggologo logonet, Naliku ALA nalut eeko logowak nduk, nake leenogo pateegirak me, ne ti paga aap ambi nen yabu eeke kenok, onggo at eebe warogo pogo logowak o.

Yetaya 58:13

“Nogo 6 yippunuk, ko'lu paga yonggonggologo logorak wone taganogo pugwi lek liirogon eekwi, Ne an Ala nake leenogo pateegirak nogo paga it eeriyak mbakwi nogo lek an eeriyak mbake nogo mban eekwi, Nogo 7 paga yonggonggologo logorak ninikilom aret, yogwe, Naliku ALA nen ne leenogo pateegirak nogo ayuk wukwi, Ayuk wuko logonet, it eeriyak mbakwi nogo eeka'lek mbo pugwi, Eeriyak inikilom mbakwi nogo eeka'lek teppugwi, Inoone ugun-ugun yaga'lek liirogon mban agan nogwe, Eekwi iinok,

Matiyut 12:10

aap ambi eenggi peenok kambak time aret wonage me, it aap inoone Yetut oba puwok nduk, eegwa'me waganggo logonet, “Tamban eekwi paga aakumi andi obeelom aganaburak op aret mbaken a?”

Matiyut 12:3

Yogo mbareegwa, Yetut nen, “At Ndawut inom nogwe nogo mbi abu aganake mbareegi, eereegwaarak nogo, Ala wone liiru mbanak paga pekkaga'lek ogotik?

Marakut 2:24

Warit nogwe me, it aap Pariti mendek nogo nen at yogo logonet, “Yetut wae. Ala nen, Tamban eekwi paga togop eeriyak mage, yugu kagak, it kat koone waganggwi mendek nen ugun eekwi yi, pegiyet o.”

Lukat 14:3

at Yetut nen aap Ala wone liiru mbanak unde inom, it Pariti mendek inom, yorage logonet, “Yakuri tamban eekwi paga aakumi obeelom eeginaburak ti, op ilik, mage a?”

Lukat 23:56

Inigen kenok, iniyok paga iname wogo nogogwaarik, eyoonggen amburu inom, amburu obari abe alik mendek inom, pipuk eerogo pereegwaarak. Pipuk eeppogo nogogwaarik, Ala nen, “Yogop ee'nu, ndogop ee'nu,” yereegerak liiru mbanak nogo ndak-ndak it Yakuri tamban eekwi paga tat yonggonggologogwaarak.

Lukat 6:2

Nenet nogwe iigak, it Pariti mendek ando nogo nen, “Tamban eekwi paga togop eeriyak mage yugu kagak, kit nonggop nduk eerit nogo ogotik?”