Matiyut 12:18 - Ala Wone Peenok Peebi Mbanak

¹⁸ “An nen leenogo pateegirak nayeloman niniki kunik nale'nggen ee'nake yi kaanip o. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Matiyut 12:18 ပူးပေါင်းရင်းမြစ်များ

Ndawi 89:19

Ne ambi paga kat Ala nen It aap inabinggaanggo paga yorage, It kat koone liirogon yoraga nogo yorage, Eeke logonet, Yoragagindak nogo yi o. “Aap wim eeka wakaa'ngget ambi omaawi eeppege, Aakumi inenggela'me nen aap tawe ambi endage tiyanak logowak nduk miirogo pege,

Yetaya 11:2

Aliku ALA Aberiniki at oba wonage logonet, iniki warak lombok eeppege, Yi wone ndi wone eenu eeppege, Wone koonogo yorage logowak nduk eeppege, Iya eeriyak mendek eeke logowak nduk omaawi eeppege, Aliku ALA eenu me, agabiti mbake logowak nduk eeppege, Eeke logogin o.

Yetaya 42:1

“An nen leenogo pateegirak niniki kunik eeke, Eerit nage kagak panggombege, Eeke minggirak nayeloman eeke logorak nogo yi aret. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Yetaya 52:13

Aliku ALA nen ari logonet, “An nayeloman nogo iniki warak lombok logonet eerit nagin me, Endage tiyappugwi, wogoppugwi, eerit nogo logogun o.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Yetaya 62:2

Kat Yerutalem yi, obeelom mban eerit nage it aakumi inanebunu lombok nen keegwi, Kat abu tiyanak wonage nogo, it yi aap ndi aap inendagembogut nen inigen keegwi, Aliku ALA nen kendage ngget toonemenggerak nogo aret yokkugwi, Eeko logogun o

Yeremiya 16:19

Kaliku ALA wae. Kat komaawi eeppanega, Nobak wurik kwak wonaga, aaninggin noba age kenok, neebe op logokit nduk, kabu'me panega, kat aret o. Yi aakumi ndi aakumi kat kowagam ari wogwe, O nggween irip-irip me nen kat keya wogwe, Eeko logomenggaarik, Kat yokkogo logonet, “Ninombomini ti, abe mendek ambi porogo logolik o. Ata, inambokan lagangga abe eeppiyoorak lek aanom warogo kagak inagugiwak ti mban porogo wonogogwaarak o.

Takariya 3:8

Aap Ala unde inowe at Yotuwa inom, it at oreewi inom, kwi'ndak wonogwe ti inom, peebi eeri woroorak wakkagak it aret me, wone yi, liirogon konenggo logowak o. An nayeloman endage, Agarip o, yogo logorak nogo nappi woraagin o.

Matiyut 12:17

Ti eereegerak nogo ti, Ala nen yoge kagak yoraga Yetaya nen yorage logonet,

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Marakut 1:11

Kage mbareegi, mbogut paga nen oone ari logonet, “Kat naput niniki kunik aret me, nale'nggen ee'nake keegi o,” yoge kagagerak.

Marakut 9:7

Yoge mbareegi, ameraakot nobappiya wage nagagerik, enggela'me nogome nen oone ambi ari logonet, “An naput niniki kunik yi aret me, at oone kinaruk liirogon konenggo logonip o,” yinuk, ari koneneegwaarak.

Lukat 23:35

It aakumi nogo taati inigen loogwi iigak, it aap Yakuri inoweewi nogo nen at miyuk-meya agago pogo logonet, “At aakumi inagap ndake nagaarak me, at Ala nen leenogo mippereegerak Mesias nogo abet aret kenok, agap ndakkolaayok ubi,” yinuk, yereegwaarak.

Lukat 3:22

Aberiniki eebe towe puume pogom wiga agan at Yetut oba nabi wagagerak. Oba nabi wage mbareegi, mbogut paga nen oone ari logonet, “Napuluk niniki kunik lombok kat aret me, niniki ale'nggen ee'nake keegi o,” yinuk, yoge kagagerak.

Lukat 4:18

“It aakumi tebenogo piinok wonogwe nogo wone obeelom wone yorage logokit nduk, amburu eerogo mippaneegerak me, Nogoba Ala Aberiniki noba panegerak wonage agaarik o. It aakumi keele maarak wonogwe nogo, Muk wondet eerogo pinagagerak o, yinuk, yorage, Inigen mbuk nogo, Kinigen obeelom eekkinaburak op aret o, yinuk, yoranet nage, It aakumi tebembiirogo wonogwe nogo wondet eerogo piige,

Lukat 9:35

ameraakot enggela'me nen oone ari logonet, “An naput miirogo mippereegirak nogo yi aret me, at oone liirogon konenggo logonip o.”

Yaya 3:34

At Ala nen nappi wagagerak ti, Ala wone mban ari menggerak. Ala nen at Aberiniki wogoge logonet, ambi eeriyak kenok, abok endak mban eeke logowak nduk, wogoreegerak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 11:18

Yorage nogo inaruk konembunuk, it togon inoone lek puk aret wonogogwaarik, “Ti kenok, Ala nen it endekem mendek nogo kunduk, it maluk eeko menggaarak iniki koombunuk mbo pugwi iinok, ineenik logorak koonogo piyareegerak kogo o,” yinuk, Ala wogoppereegwaarak.

Nappiigak 14:27

O Andiyokiya unggwi wogo nogogwaarik, Ala apuri nogo kuwak eeppiinok, Ala eeppiige kagak eeginabit nogo nogogwaarak nogo inom, ndi, Ala nen it endekem mendek ninogoba Yetut oone abet mbaruwak nduk, tu koonogo piyareegerak nogo inom, wone mbininogo yorogo nogogwaarik,

Epetut 1:6

Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.

Kolote 1:1

Ala iniki mbareegerak paga Keritut Yetut ayonggo nappiigak mendek agago paneegerak an Pawulut ninawot Timotiyut nimbirak nen

Kolote 1:13

At o apit aago unde menggim nit keele maarak negen wonogwe me, Ala nen ninagap ndarogo at aput iniki kunik nogo abu'me pinani nage mbareegi,

1 Peterut 2:4

Yugum ambi eenik menggerak pogom, at Yetut ti, eenik menggerak me, yugum nogo obeelom aret kagak aakumi nen meek kenok, mbo nappereegwaarak kwe, Ala nen perak, “Obeelom aret kagak mbo pugwi o,” yinuk, leenogo pereegerak me, at ninowe abu'me mban kuwak eeri wogo logonip o.

2 Peterut 1:17

Keritut ninom puut ayuk warak menggim nogome niigak, at mondok tiyanak, “Wi!” ugwi ninogoba Ala nogo nen ninowe Yetut Keritut ayuk wurogo tiyappege logonet, “An naput niniki kunik nale'nggen ee'nake nogo yi aret o,” yinuk, mbogut paga nen oone ari nit aret ninaruk konembunuk, yokkirogogurak nogo o.