Matiyut 12:17 - Ala Wone Peenok Peebi Mbanak

¹⁷ Ti eereegerak nogo ti, Ala nen yoge kagak yoraga Yetaya nen yorage logonet,

Matiyut 12:17 ပူးပေါင်းရင်းမြစ်များ

Yetaya 42:9

Yogop eeke kaamunggup o, yinuk, aa'nduk yereegirak nogo muk kin agaarak me, Yogondak wone ngget alik mendek eeppiyoorak yokkege, Eeriyak awo kin aga'lek kagak kat yokkege, Eeke agarik o,” yinuk, yoge kagarak o.

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Matiyut 12:16

“Aap yi nen eekerak, aakumi yoraagup o,” yinuk, inaruk wareegerak.

Matiyut 12:18

“An nen leenogo pateegirak nayeloman niniki kunik nale'nggen ee'nake yi kaanip o. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Matiyut 13:35

Ti yorage nagagerak nogo ti, Ala yoge kagak yoraga nogo nen, “An wone yokkirage logonet, eegu laarogo mban yokkirage, Ndi, o yi wakkagagerak eyom paga nen nobarak mban wonagagerak nogo aret yokkirage, Eeke logogin o,” yinuk, yereegerak, yoragagerak nogo, a'me lik yereegerak.

Matiyut 21:4

Ti eerogo nappiyareegerak nogo ti, at Ala nen yoge kagak yoraga nogo nen ari logonet, “Kinowe endagembogut keledai amborowak paga kwi'ndak kinowagam wage o. At iniki yanggonak logonet, yokkirage menggerak nogo, Keledai aagaluk amborowak paga kwi'na'nuk, wage ti kaanip o, yinuk, O Tiyon aagalogwe nogo yoraanip o,” yinuk, yoragagerak nogo a'me lik yuwak nduk, eerogo nappiyareegerak.

Matiyut 8:17

Ti eereegerak nogo ti, at Ala nen yoge kagak yoraga Yetaya nen ari logonet, “At nen andi-pandi ee'ninake nogo wagangge, Ndi, kugi andi lombok ee'ninake nogo lek eerogo pinanege, Eereegerak o,” yinuk, yoragagerak nogo, a'me lik yuwak nduk, aakumi obeelom aganake nagagerak.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Yaya 10:35

Ala wone liiru mbanak ti, alik mbeyok ariilik nit nineenu me, Ala nen it aakumi at oone koneneegwaarak nogo, Kit an Ala pogom wonogwe o, yinuk, yoragagerak me,

Yaya 12:38

Abet mbaka'lek wonogogwaarak nogo ti, aap Ala yoge kagak yoraga Yetaya nogo nen ari logonet, “Ninogoba o. Wone nit agan wogoorak nogo, taani nen abet mbakwi, Ndi, kat keenggi omaawi tiyanak nogo, taamini nen inigen kogwe, Eereegwaarak mbakop?” yinuk, yereegerak liiru mbaneegerak nogo, a'me lik yereegerak o.

Yaya 19:28

Ti yorage nagagerik, at Yetut nen, “Abok aret eeki,” mbake logonet, Ala wone liiru mbanak nogo a'me lik yuwak nduk, “An yi abu o,” yereegerak.

Nappiigak 13:27

Togop aret kwe, it aakumi Yerutalem mendek inoweewi inom nogo nen, At Yetut ti, ninagap ndaka aret o, yinuk, yelok koolik kwe, kulinik-kalinik it Yakuri tamban eeko logonet, it aap Ala yorage kagak yorogo nogogwaarak wone liiru mbanak pekkagak yorogo nogogwaarak nogo, at wariyak koombunuk, warogo pereegwaarak paga wone ti, a'me aret agagerak.