Matiyut 12:15 - Ala Wone Peenok Peebi Mbanak

¹⁵ At Yetut nogo nen it wone mbanggwi yelok iige nagagerik, o time teppunuk, nage mbareegi, aakumi ambik inom nogogwaarak me, it kugi andi abok aret obeelom eeginake nagagerik, yorage logonet,

Matiyut 12:15 ပူးပေါင်းရင်းမြစ်များ

Matiyut 10:23

O kota ambime nen piyak-payak eekkinakwi iinok, kole mbaganit o kota alik ambime namunggup o. Kole mbaganit aap Iterali iname kota-kota ando awo unggwit naga'lek kiigak, an aap aret nda'nagagirak nogo, woraagin aret o, yinuk, abet aret yokkiragi o.

Matiyut 19:2

Unggwi wage mbareegi, aakumi ambik mugurok nogo mbareegwa, andi kenok, obeelom eeginabeegerak.

Marakut 6:56

O kota nggwok me inom, mbuuluk me inom, o yambo-ndambo time inom, nege kagak, it kugi andi warak nogo mbi onggo kunggo menggam piya wagaatak nogo nen, we ambogoyum irip pigaawok nduk nggino yogo nagaatik, pigaganggwi iinok, it abok aret obeelom ogogwaarak.

Lukat 5:22

Mbakwi nogo Yetut yelok iige nagagerik, yorage logonet, “Kit nonggop nduk kiniki togop mbako ogotik?

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Lukat 9:11

Tayo yi nogogwaarak mendek, aakumi ambik, “Yetut time nagaarak,” konenggo nogogwaarik, amugurok nogogwaarak. Amugurok nogo mbareegwa, Yetut nen keyage wappiige nagagerik, Ala abu'me piyoorak wone nogo yorage, ndi, ineebe kugi andi kenok, obeelom eeginake, eereegerak.

Yaya 11:54

Wone togop aret mbaneegwaarak me, Yetut aap Yakuri inenggaanom nggwok paga ambinom nege logolik. Time nen o kota ambi endage Eperayim karume koorok time nagagerak. Nage nagagerik, at oone waganggwi mendek inom time aret wonagagerak.

Yaya 7:1

Ti yorage nagagerik, it Yakuri mendek nen Yetut mondok wariyak eeko mbareegwa, “O Yureya yime eerit nege logorak neebi o,” yinuk, o Nggalileya time eerit nege logokit nduk, nagagerak.

Yaya 9:4

Oonikiya paga yabu eeriyak meek me, o kiip ariyak abu panggo yi wage kwe, awo waga'lek kagak, at nappani wagagerak eeke menggerak nogo, o eya paga mbet-mbet aret eeko logowok o.

Nggalatiya 6:9

Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pega'lek mondok aret eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'liila ee'ninake kenok mbo puurak mage o. Kagak aret eerit nogo logowok o.

1 Peterut 2:21

Keritut andi-pandi eerogo pereegwaarak nogo ti, “At andi-pandi oba pugwi iigak, at maluk eeke, An togop eerulik o, yinuk, aana'le mbanggolage, Ti eerulik o.” It nen miyuk-meya eerogo pugwi iigak, at nen onggo miyuk-meya eerogo piige, wakwi iigak, at nen wone onggo yorage, ti eerulik mban. Ata, at iniki ogoba Ala oba panggombunuk, “Nogoba wone a'me nggelok mban inowak loongge menggerak nogo nen nawone mbanigin o,” yinuk, iniki kwi'ndak logonet, waganeegerak nogo ti, nit ninake aret waganeegerak me, at eereegerak nogo kokwak, nit togop ndak-ndak eeko logowok nduk, Ala nen ninayonggo pereegerak o.