Matiyut 12:12 - Ala Wone Peenok Peebi Mbanak

¹² Ndomba ti iya, ndi, aap ti, meek me nduk yogo ogotik? Lek o. Aakumi ti, iya lombok me, tamban eekwi paga obeelom eeginaburak ti, op aret o!”

Matiyut 12:12 ပူးပေါင်းရင်းမြစ်များ

Matiyut 10:31

Towe yiluwe mbuulogwe apit-apat ti, iniki kundugu lek negen, ndi, kit perak, iniki kundugu nggwok lombok kinombake me, kinagabiti mbarugup o,” yinuk, yoragagerak.

Matiyut 6:26

Towe mbogut paga nugu menggaarak ti, pegiyaanip o. It nen awi yakkologwe, ndi, anggen mbanogo wolombakwi, eekulik kwe, kit kinogoba mbogut paga mendek nen aret inambi wogorage menggerak kit kineenggo'lek me, yogo ogotik? Towe ti, iniki kundugu lek negen kagak, wogorage menggerak kwe, kit perak, iniki kundugu lombok logonet, wokkiraagin lek nduk yogo ogotik?

Marakut 3:4

Yoge nagagerik, it nogo yorage logonet, “Tamban eekwi paga obeelom eeginaburak ti, op ilik, maluk eeginaburak ti, op a? Aakumi ineebe inili yuurak ti, op ilik, inooriyak ti, op a? Wone yugu liiru mbanak nogo nonggop mbanak o?” yoragagerak kwe, inoone lek aret puk ogogwaarak.

Lukat 12:24

Towe ya'ngge-ya'ngge eeko menggaarak nogo liippinip o. Awi yakkologwe, anggen mbanggologwe, ti eekulik o. Ndi, anggen mbanogo pi unggwogo menggam o kunduk, lek mban kwe, at Ala nen inambi wogorage menggerak. Towe ti, at iniki kundugu mbuuluk negen kagak, Ala nen inambi wogorage menggerak kwe, kit perak, at iniki kundugu lombok me, wokkiraagin lek mbako ogotik? Wokkiraagin aret o.

Lukat 14:1

Peebi ne ambi paga at Yetut nen it Yakuri tamban eekwi paga mbi noorak nduk, aap Pariti inowe ambi ame unggwagagerak me, aakumi nen at inigen wonok nugu nogogwaarak.

Lukat 6:9

Mi'nari nage mbareegi, Yetut nen it yorage logonet, “Tamban eekwi paga obeelom eeginaburak ti, op ilik, maluk eeginaburak ti, op a? Aakumi ineebe inili yuurak ti, op ilik, inooriyak ti, op a? Kit yinip nda!” yinuk,