Matiyut 11:19 - Ala Wone Peenok Peebi Mbanak

¹⁹ Ndi, an aap aret nda'nagagirak nogo, mbi inom, anggur amburu inom, nenet wagarak me, kit nen yogo logonet, At mbi inom, anggur amburu inom, ugun lagap mban agan nege, it o unde inake wu kuwak eeka inom, it aap maluk eeka inom, iniki kunik eeginake, eeke yi, kaanip o, yinuk, yo'nogo monggotak kwe, Ala iniki warak nen koonit nage nogo ti, it eeko menggaarak abok aret eekwi paga obeelom aret kogo logogun o,” yinuk, yoragagerak.

Matiyut 11:19 ပူးပေါင်းရင်းမြစ်များ

Ndawi 109:20

Aap eeppuurak yagarak nogo aret it aap inoone an liirit yo'nugwi, Inoone maluk noba pugwi, Eekwi nogo onggo Aliku ALA nen it aret eeppiyaawak o.

Kini Wuppiige 17:24

Aap wone yelok kaga nogo nen iniki warak ariyak nogo mban koonit nege menggerak kwe, Aap iniki lek wi negen nogo perak, “O nggween irip me time ndogop kwak pit nane,” yinuk, iniki koonogo nappit nege menggerak.

Matiyut 5:46

It aap iniki kunik eekkinakwi nogo mban kiniki kunik eeginakwi kiinok, ti paga onggo ambi koloorak mbakop? It o unde inake wu kuwak eeko menggaarak nogo nen eeko menggaarak nogo mendek mban eekwi me, kit onggo koloorak lek aret mbako logonip o.

Lukat 14:1

Peebi ne ambi paga at Yetut nen it Yakuri tamban eekwi paga mbi noorak nduk, aap Pariti inowe ambi ame unggwagagerak me, aakumi nen at inigen wonok nugu nogogwaarak.

Lukat 19:7

Yetut imbirak nage it aakumi nen kogo nogogwaarik, ineebi-ineeba yogo logonet, “Aap maluk eeke menggerak imbirak ame nogo yuurak nduk, nogwe yi kiraap?”

Lukat 7:29

At Yetut yoragagerak nogo ti, it aakumi abok aret aap o unde inake wu kuwak eeka inom konenggo nogogwaarik, at Yaya nen it yiime wuppiyareegerak me, “Ala ti, abu obeelom eeke menggerak o,” yinuk, yereegwaarak.

Yaya 2:2

Ndi, Yetut at oone waganggwi mendek inom aap kwe kolage me nogome woraawak nduk, inayonggo pereegwaarak wogogwaarak me,

Oroma 15:2

“Kat meek eerogo pagagwi nogo an noba aret agagerak o,” yinuk, liiru mbanak nogo ndak-ndak, Keritut nen, “An mban niniki ale'nggen mbarikit nduk, eekkola o,” yinuk, eerit nage logolik me, nit kunduk, ninom monggoorak nogo iniki kole aruwak nduk, eeppiinet nogo logowok o.

Wayu 7:12

“Amin o! Kat ninogoba Ala aret me, Yi aakumi ndi aakumi abok kabu'me tebe yinuk, Inale'nggen kombakwi, kendage tiyappagagwi, Yi wone ndi wone abok kat keenu o, yinuk, yokkugwi, Wa, yogo logonet kayuk wukwi, kalik komaawi ambik mondok kalilaakwi me, Wi, kugwi, eekwi nogo, Mondok-mondok togop aret eeko logowak o, amin,” yinuk, yogwi iigirak o.