Matiyut 11:11 - Ala Wone Peenok Peebi Mbanak

¹¹ At Yiime Wuppiiga Yaya endage warak lombok nda'nagagerak kokwak, it kumi inaagalogwe togop ti, ambi ndaganakulik kwe, at mbogut paga mendek abu'me piige menggim inendage lek abu tebenak wonogwe nogo ti, Yaya tiyanak kagak at irimbaga lombok aret logogun o, yinuk, abet aret yokkiragi o.

Matiyut 11:11 ပူးပေါင်းရင်းမြစ်များ

Ayup 14:1

Kumi nen ndaganakaatak aakumi nogo ti, Inomaawi lek ndarak iigak, ineenik kuwagaluk aret me, Aaninggin inoba kagak nugu menggaarak o.

Ayup 14:4

Aap kiik aago ambi nen kikak naka'lek eekkoloorak op mbaken? Lek aret o!

Ayup 15:14

Aap kikak naka'lek abu obeelom wonogwe, It kumi nen inaagalogwe nogo, iniki abe koonak aret ndaganakwi, Eeko menggaarak mbaken?

Ayup 25:4

At Ala nogo nen, Aap yi, iniki abe koonak aret kagi o, yoge, Ndi, kumi nen ndaganakaatak inaagalogwe nogo Iniki kikak naka'lek ambi wonogwe iige, Eeriyak ti, nonggoti mbaken?

Ndawi 51:5

Nagalo inikime logonnage logonet maluk lenggenak wonage, Maluk alom ninikime kagak aret nda'nage, Eereegirak kagi o.

Yetaya 30:26

At Aliku ALA nen at apuri inamiyayilik-inamiyayelok eerak wonogwe nogo nggerenogo piige, inawinde-inobaande aago nogo obeelom eerogo piige, eeke eyom paga tut abinak nogo oonegen abinak kwak age, ndi, oonegen nogo ti, ne ambit paga wundi wage ti eya mbuuluk kwe, nogo ambit paga ne 7 kuli lambunik wundi wage kenok, eya mondok alik negen eerogo pege menggi kwak aret age, eerigin o.

Takariya 12:8

Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Matiyut 11:10

Ala nen ari logonet, Kat noorak tu yarogo pagawak nduk, an nen nayonggo aa'nduk nappege neyaamunggun o, yinuk, yo'nereegerak liiru mbanak nogo ti, at Yaya aret nduk yereegerak o.

Matiyut 11:12

At Yiime Wuppiiga Yaya nogo nen wone yokkirage nagagerak eyom paga nen nok, yogondak kuli, at mbogut paga mendek abu'me piige menggim tebenogo pugwi, ndi, aakumi inoone omaawi paga nen unde eekkolaawok nduk, wakkogwe, eeko menggaarak o.

Matiyut 3:1

O ti eyom paga Yiime Wuppiiga Yaya nogo nen o Yureya karume aakumi lek me nage nagagerik, aakumi yorage logonet,

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Matiyut 5:19

Ala nen, Yogop ee'nu, ndogop ee'nu, yereegerak wone nogo, aap ambi nen, Yi mbuuluk me, iya lek o, yinuk, taganogo punuk, wone alik mamunirage kenok, aap ti, at mbogut paga mendek abu'me piige menggim at endage abu lek tebenak aret logogin o. Ndi, aap ambi nen wone ti, woppunuk, liirogon eerit nage, ndi, liirogon mamunirage, eeke kenok perak, at mbogut paga mendek abu'me piige menggim endage warak mondok tiyanak aret logogin o.

Lukat 1:15

At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Lukat 7:28

At Yaya endage warak lombok nda'nagagerak kokwak it kumi inaagalogwe togop ti, ambi ndaganakulik kwe, Ala abu'me piige menggim inendage lek tebenak wonogwe nogo ti, Yaya tiyanak kagak at irimbaga lombok aret logogun o, yinuk, yokkiragi o.”

Lukat 9:48

it nogo yorage logonet, “At kinenggela'me abu tebenak wonage nogo ti, at aap nggwok lombok aret wonage me, aap ambit-ambi, An Yetut oone wagangge minggirak me, yinuk, at wulaga yi, wagangge kenok ti, an aret wo'nake, ndi, an wo'nake kenok, at nappani wagagerak nogo aret wagangge, eeke menggerak o,” yinuk, yoragagerak.

Yaya 1:15

At Yaya nen oone nggwok paga at nogo abok paganogo yorage logonet, “Aap ambi nambokan woraagin nogo, an nda'naga'lek neegak, at aa'nduk togon wonagagerak me, an ta mbuuluk. Ndi, at mondok nggwok aret o, yinuk, yokkirage nagagirak nogo eebe yi aret o,” yinuk, yorage nagagerak.

Yaya 1:27

At nogo ti, nambokan woraagin kwe, at aap nggwok me, an nen iyogogut nggerenak piiniyak meek o,” yinuk, yoragagerak.

Yaya 10:41

Puk ari nagagerak wonage me, aakumi ambik at owagam nogo nogogwaarik, “At Yaya nen nineenu ariyak ninagabiti warak mendek eeke logolik kwe, at yi, abok yo'nirage nagagerak nogo perak, abet aret yo'nirage nagagerak kogo o,” yinuk,

Yaya 3:30

At tiyak ari kagak, an tebek yuurak agaarak o,” yinuk, yoragagerak.

Yaya 5:35

Aap Yaya ti, ndi wuninik abinak ambik eeke menggi kwak wonagagerak me, eya eekkinake kwak yokkirage nagagerak paga kiniki ale'nggen ne ambiriluk mbakotak kwe,

Yaya 7:39

Ti yoragagerak nogo ti, it aakumi nen iniki Yetut oba panggombunuk, abet ombakwi iinok, Aberiniki wogoroorak me nduk yoragagerak. Yetut awo tiyappega'lek kenok, at Aberiniki wogoraga'lek me nduk, yoragagerak.)

1 Korindut 15:9

An o maan nen Ala apuri kuwak eerit nogo menggaarak nogo piyak-payak eeginabit nege nagagirak me, “Nappiigak mendek,” yo'nogo logonetak lek kwe, an nogo, it aap nappiigak mendek inabu'me negen logokit nduk, leenogo paneegerak o, obak!

1 Korindut 6:4

Wone ambi age kenok, nit op aret koonggo logorak kagak kit nonggop nduk it Ala apuri kinom kuwak eekulik mendek nen koonggo logowak nduk, yorogo monggotak?

Epetut 2:3

It Ala wone taganogo punuk, maluk eeko nogogwaarak paga Ala anini inoba piyoorak wonogogwaarak nogo ndak-ndak, nit kunduk, togop aret niniki maan mendek nen yo'nirage kagak niniki nengge kenok mugurok nogwe, maluk eeriyak ee'ninake kenok eerit nogwe, maluk eeriyak mban koonit nugwi, eeko nogogurak paga Ala anini mondok ninoba pinaniyak aret wonogogurak kwe,

Epetut 3:8

It Ala apuri alik leenak nogo abok aret tiyanak wonogwe iigak, an abu inabu'me tebenak tit neegak kwe, Keritut oba ngginik kagak eeppinanit wundi wage menggerak wone nogo, kit aap endekem mendek yokkirage, ndi, at yi mendek ndi mendek wakkagagerak Ala nogo nen wone o maan koonak kote kumaapporogo wonagagerak nogo, nonggop eeppinaniyak koonogo pereegerak yi aakumi ndi aakumi abok ineenu eeppiige, eeke logokit nduk, iniki kunik ee'nake logonet unde eeppaneegerak.

2 Timotiyut 1:10

yogondak iluk ninagap ndaka Keritut Yetut kin ari wage nagagerik, kambuurak ninoba lenggenak wonogogurak nogo, lek eerogo punuk, wone obeelom wone waganggwi paga nabelan-kabelan ee'ninaburak wone nogo nggwok paga pagak yereegerak.

1 Peterut 1:10

Kit kinagap ndappunuk, obeelom eerogo pinagarak wone nogo ti, it aap Ala nen yorage kagak yoraga nogo nen, “Ala iniki kunik en obeelom eeppiyoorak nogo mandenom eeppiyaagin, ao,” yinuk, mbakwi wonogwe me, at Keritut Aberiniki nogo it inikime logonet, “Keritut nogo peebi andi-pandi eerogo pemenggaarak ti paga Ala nen tiyappigin o,” yinuk, yorage mbareegi, it nen yogo logonet, “Ta nen ninagap ndari woraagin? Ndi, mandenom kin arigin?” yinuk, Ala wone pekkogwe, liippit unggwogwe, eeko nogogwaarak.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,