Matiyut 11:1 - Ala Wone Peenok Peebi Mbanak

¹ At Yetut nen it at oone waganggwi 12 nogo, “Ndogop eeko logonip o,” yoraanuk, o time nen aakumi inawi kota-kota lombok wone mamunirage, aakumi obeelom wone yorage, eerit nagagerak.

Matiyut 11:1 ပူးပေါင်းရင်းမြစ်များ

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Matiyut 4:23

At Yetut o Nggalileya yengget-wangget abok aret nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo, aakumi yorage, yi kugi ndi kugi andi kunik mendek inom, ineebe andi-pandi aago inom, obeelom eeginake, eerit nege nagagerak.

Matiyut 7:28

At Yetut nen wone yi nogo abok aret yorage mbareegi, it aakumi kuwak aago nogo at oone mamunirage inaruk konenggo nogogwaarik, “Ie! Aap yi, it Ala wone liiru mbanak unde nen yo'nirogo mengga kwak yo'nirage lek o. Wone ti, at unde nen aret ari me, wi!” yinuk, pi wareegwaarak.

Matiyut 9:35

At Yetut o tini mbuuluk me, nggwok me, yanggwagak-ndanggwagak nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo aakumi yorage, it yi kugi ndi kugi andi kunik mendek inom, ineebe we andi-pandi aago inom, obeelom eeginake, eerit nege nagagerak.

Marakut 6:12

Nappiige mbareegi, nogo nogogwaarik, yorogo logonet, “Kit maluk eeko nogotak nogo, kiniki koombunuk, mbo pinip o,” yinuk, yoranet nugu nogogwaarak.

Lukat 23:5

Yoragagerak kwe, it inoone panggok togon nabenak mban yogo logonet, “Lek o. Aap yi, wone mamuninabit nege logonet, aakumi o Yureya mendek abok aret o Nggalileya nen nok, o yi kuli aret inabut wurit nege menggerak o,” yinuk, yoreegwaarak.

Lukat 8:1

Ti'nuk, at Yetut nen obeelom wone Ala abu'me piyoorak wone nogo kota nggwok me inom, mbuuluk me inom, yoranet nege nagagerak. Nege logonet, at oone waganggwi 12 nogo inom nage me,

Yaya 15:10

Nogoba nen, Yogop ee'nu, ndogop ee'nu, yo'nereegerak nogo an eeke nagagirak paga iniki kunik ee'nabeegerak nogo kwak, an nen, Yogop ee'nu, ndogop ee'nu, yokkirage nogo eekwi kiinok, niniki kunik eekkinabigin me, ninom kunik aret logomunggup o.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 10:42

Eenik agago mippege mbareegi, at Yetut nogo nen, It ineenik wonogwe inom, kambeegwaarak inom, inowak looninaburak Ala nen mippereegerak nogo ti, Yetut aret o, yinuk, liirogon paganogo yoranet nugu logonip o, yo'niragagerak.

1 Tetalonika 4:2

Ninowe Yetut nen, “Yoret o,” yinuk, yo'nirage mbareegi, wone, “Yogop ee'nu, ndogop ee'nu,” yinuk, lengganogo yokkirogo nogogurak ti, kineenu aret o.

2 Tetalonika 3:10

Ninom logonet, “Aap ambi yabu eeka'lek kenok, mbi magariyak mage o,” yokkirogo nogogurak nogo o.

2 Tetalonika 3:6

Ndi, ninoreewi o. Wone, “Ndogop eeko logonip o,” yokkirogo nogogurak nogo, kinoreewi ando eeka'lek ineenggi tanep we nugwi iinok, kinom nugu logorak mage o.

1 Timotiyut 6:14

Wone lengganogo yokkereegwaarak nogo ambi wuppega'lek abok enaani porogo logonet, eerit nage me, “Ninowe Yetut Keritut kin ari woraawak o,” yinuk, wone ti lengganogo yokkigi o.