Matiyut 10:38 - Ala Wone Peenok Peebi Mbanak

³⁸ Kit kinagayo karo-karo nabembinagarak nogo, ko'nok ninom noorak mbaka'lek kiinok ti, an ninom logorak meek aret o.

Matiyut 10:38 ပူးပေါင်းရင်းမြစ်များ

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Matiyut 27:32

Wundi nogwe me, aap o Kirene mendek endage Timon inikiigun wage me, inom lambunggo nogogwaarik, inoone omaawi paga, “Eyo karo-karo aago yi, piyaninuk nak o.”

Marakut 10:21

Yoge mbareegi, at Yetut ena nomorogon enegen pekkage nagagerik, abuwa mbake logonet, “Wone ti abok aret eeke menggendak kwe, ambiriluk perak, awo eeka'lek keegirak nogo yokkiri o. Kat kamindik-kamendek onggo nggerembunuk, it aap inamendek lek kenok tumburira nak o. Tumburira nage keenok, kamendek abe mendek mbogut paga time kolaamunggun o. Ti eeke logomenggendik, nimbirak nugu logowok nduk wa'nu o,”

Marakut 8:34

Mberege mbareegi, it aakumi kuwak aago inom, at oone waganggwi nogo inom, wiiragagerak wogo mbareegwa, yorage logonet, “Kit an ninom nugu logorak mbakwi kenok, kit yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo, ko'nok an ninom aret nugu logowok o.

Lukat 14:27

Kinageyo karo-karo nabenogo pinagarak nogo, ko'nok an ninom noorak mbaka'lek kiinok, an noone waganggwi mendek arumunggup lek o.

Yaya 19:17

Piganok nogwe iigak, Yetut nen at ageyo karo-karo lombok aago nogo ko'nok, puut ambi endage, Anobak Yelenak, nogo paga pati laganeegerak. (Puut ti, endage Iberani inoone paga, Nggonggota aret.)