Matiyut 10:28 - Ala Wone Peenok Peebi Mbanak

²⁸ It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 10:28 ပူးပေါင်းရင်းမြစ်များ

2 Endagembogut 17:39

Ata, kinom wim mbanak ineenggime nen ndingginaburak nogo ti, Naliku kinogoba Ala an aret me, nalik mban nalut eeko logonip o,” yinuk, yoragagerak.

Ayup 37:24

Ndi, aakumi nen, Nit niniki warak aret o, yinuk, yogwe nogo at liippiigeelik me, Aakumi abok at mban ayuk wuko menggaarak o,” yinuk, yoreegerak.

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Wone Alom Kibingga 5:7

Inabi kanet mban nugwi, inoone ambik mban agan nugwi, eekwi ti, aanom warogo aret eeriyak me, Ala mban ayuk wuppunuk puk logot o.

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Yetaya 66:2

Yi mendek ndi mendek ogobakkigirik yi, an nen mban ogobakkigireegirak me, Aret wonage menggerak nogo lek a?” yinuk, Aliku ALA nen yegerak o. “It aap iniki tebenak wonogwe, Maluk eekirak, ao, mbakwi, noone ari neenok inaganak wake, Eekwi iinok, An liippiige minggirak kwe,

Yeremiya 5:22

It an nayuk wukwi, an paga inaganak wake, eeriyak ti, maluk mbakop?” Yinuk, yegerak o. “Niyo nggwok yenggenak laut nogo endekem kilak togon wundi waga'lek mondok-mondok kuli mbanak logowak nduk, mbini pereegirak nogo lek a? Niyo kilaarak-mogonik eeke kwe, endekem kilak togon wungge, Oone, Wo! eerogo wunabi wage kwe, kuli mbanak kagak wungge, Eeka'lek aret menggerak o.

Matiyut 10:26

Wone ambinom yorage logonet, “Ti kenok, yi eekwi ndi eekwi nobarak wonage kenok ti, tena'me aret age, ndi, kumaarak wonage kenok ti, pagak ari, eerigin me, it aap ti, kinagabiti inombarugup o.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Matiyut 5:22

yogondak an nen yokkirage logonet, Kit kinoreewi kinanini mban inoba piigwi kiinok perak, kinowak loonogo, Maluk eekotak onggo pinip o, yokkirogwe iyaamunggup o, yinuk, yokkiragi o. Kit ambi nen kinore ambi yogo logonet, Kat abu meek keegi o, yinuk, alom lek kagak yogwi kiinok ti, maluk aret yumunggup me, kinowak loonuwak nduk, it aap wone amburu mbanggo menggaarak wonogwe me, wokkiren nagun aret o. Kat abu wi yunduurak aret o, yogwi kiinok ti, kani omoonuk wunuk mban ari menggim time mambinagagun aret o.

Nappiigak 21:13

at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.

Iberani 10:31

At eenik menggerak Ala nogo nen nit maluk eekwi onggo abera'lek me ninoba kwippinanege nogo ti, mondok iya ninamineeri ne agan nage kagak eeppinanege kaagun o.

Iberani 11:35

It kumi ando inaagalogwe kanggaatak ineenik agago wogorogwe, ndi, it ando perak, “Peebi nineenik mondok logorak mippinanigin me, ninili eerogo teppinaniyak mage o. Mondok-mondok ninooko logonip o,” yogwe iinok, iniki mondok alik negen taganak-mbaganak eerogo inookwi iinok kanggwi,

Yakobut 4:12

Wone lengganogo yo'niragagerak owak loongge menggerak ti, at Ala alik aret o. At alik nen ninagap ndake, lek eerogo pinanege, eeriyak op aret kwe, kit Ala kokwak eekko'nok kinowe-kinawot inowak looniyak nduk eeko ogotik ya? Mage o, noreewi.

1 Peterut 3:14

Togop eekulik kwe, kit obeelom wone yoranet nugwi kiigak andi-pandi eerogo pinagagwi iinok, “Nonggop nduk eeppinanugwi?” yinuk, kinagabiti nen kiniki piirik eerugup o. Ata, “Ala ale'nggen ninoba pinanigin o,” yinuk, kiniki ale'nggen paga waganggo logonip o.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.