Matiyut 10:26 - Ala Wone Peenok Peebi Mbanak

²⁶ Wone ambinom yorage logonet, “Ti kenok, yi eekwi ndi eekwi nobarak wonage kenok ti, tena'me aret age, ndi, kumaarak wonage kenok ti, pagak ari, eerigin me, it aap ti, kinagabiti inombarugup o.

Matiyut 10:26 ပူးပေါင်းရင်းမြစ်များ

Kini Wuppiige 10:9

Aap wi-wi aganakulik kenok ti, tu kuuri'me aret nugu menggaarak kwe, Aap wi-wi aganaka perak, at eeke nogo aakumi ineenu ogo menggaarak.

Kini Wuppiige 28:1

It aap maluk mendek nen aap muguren naga'lek iigak, mbaganit nogo menggaarak kwe, It aap iniki abe koonak nogo nen perak, singa agabiti mbaka'lek nege menggi kwak, nugu menggaarak.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Yeremiya 1:8

Kat nimbirak aret wonage, ndi, maluk eeppagagwi iyo, an karum aret wonage, eeke logogin me, aakumi ineebe paga kagabiti mbariyak ti mage o,” yinuk, at Aliku ALA nen yo'nereegerak o.

Yetikiyen 2:6

Aakumi nen ndarak kat yi wae. It ineebe paga inom, inoone yokkugwi paga inom, kagabiti mbake, An muun alok inom, nggonggoondu alok inom, enggela'me wonage, nggitamuru awi mbanak me wonage, eeke agarik, mbarumunggun kwe, kagabiti mbake, it an yorage ineebi mbaka mendek aret me, it inoone yogwe paga kagabiti mbake, kiniki ma'nage, eerubok o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Marakut 4:22

Yi mendek ndi mendek kumaarak wonage ti, tena'me age, ndi, yi wone ndi wone inikime tebenak wonage ti, pagak ari, eerigin o.

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Lukat 8:17

Yi mendek ndi mendek kumaarak wonage kenok, pilak ari, ndi, wone inikime taberak wonage kenok, nggwok paga aret pagak ari, eerigin o.

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 4:13

Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Nappiigak 4:19

Mberirogo mbareegwa, Peterut Yaya imbirak nen it yorogo logonet, “Nit Ala oone koneniyak ilik, kit kinoone koneniyak a? Ala enggaanom paga kit mban kooninip o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

1 Peterut 3:14

Togop eekulik kwe, kit obeelom wone yoranet nugwi kiigak andi-pandi eerogo pinagagwi iinok, “Nonggop nduk eeppinanugwi?” yinuk, kinagabiti nen kiniki piirik eerugup o. Ata, “Ala ale'nggen ninoba pinanigin o,” yinuk, kiniki ale'nggen paga waganggo logonip o.