Matiyut 10:21 - Ala Wone Peenok Peebi Mbanak

²¹ Ore ambi waruwak nduk, ore ambi nen eenggi pigogo wogorage, apuluk waruwak nduk, ogoba nen eenggi pigogo wogorage, inapurilogwe nen inagalomini-inogobamini inom ogooppunuk, inooruwak nduk, yorogwe, eerugun o.

Matiyut 10:21 ပူးပေါင်းရင်းမြစ်များ

2 Tamuwen 16:11

Yorage nagagerik, at Abitayi inom, at awuri inom yabu eeko menggaarak inom, yorage logonet, “Napuluk nen kwe, nooriyak ari me, at aap Mbeniyamin mendek yi, nooriyak ari paga iya mbarugup o. Aliku ALA nen togop yogerak paga nen pulunogo panege kagak yukwak, teppinip o.

Ayup 19:19

Noreewi ninom niniki kundugu nen noba peyak wurogo panugwi, It an niniki kunik mendek nen ineebi nen inena nomok yogwe, Eeko agaarik o.

Ndawi 50:20

Kinoreewi kinom wonogo logonet, kinoreeluk abok mbanggwi, Kinagalo ambiret nen ndakkinabeegerak kwe, Kinawuri meek eerogo piigwi,

Yetaya 19:2

“O Metit it-it aret ogooppunuk wim eeruwak nduk eerogo piyaminggirak paga It inoweewi nen inawuri inom aret wim nambukwi, It inoreewi inom wonogwe nen inom wonogwe aret inom wim nambukwi, O kota ambi nen o kota ambi inom wim nambukwi, At ambi abu'me piinok menggim nen at ambi abu'me piinok menggim inom wim nambukwi, Eerugun o.

Takariya 13:3

aap ambi nen, Ala nen yo'nege kenok, yokkiragi o, yinuk, ari kenok, at ndaremenggaarak agalo-ogoba nen aret at yogo logonet, Aliku ALA endage kumbunuk yagandak ti, maluk aret yagandak me, kat kambuurak aret o, yinuk, at ndaremenggaarak agalo-ogoba lombok nen aret ndanuk togon warogo pemenggaarak kambigin o.

Matiyut 24:10

Ti eyom paga aap ambik ineebi nomba'nuk abe wone mbo pugwi, at ambi nen at ambi wariyak abok mbangge, at ambi nen at ambi anini agaket ombake, eerugun o.