Matiyut 10:15 - Ala Wone Peenok Peebi Mbanak

¹⁵ Peebi inowak looniyak eyom paga it aakumi o Torom inom, Nggomora inom, wonogogwaarak nogo mbuuluk aret inoorigin kwe, it aap o kota time mendek ti, abu nggwok togon inoorigin aret o, yinuk, abet aret yokkiragi o,” yoragagerak.

Matiyut 10:15 ပူးပေါင်းရင်းမြစ်များ

Matiyut 12:36

Aakumi inoone liippaka'lek logonet, agan nugu menggaarak nogo abok aret peebi inowak looninaburak eyom paga wone onggo paganogo yorugun aret me,

Matiyut 5:18

Mbogut-nggween awo lek aga'lek kagak, Ala wone yugu Muta liiru mbaneegerak ando mbuuriluk ambi awo a'me lik yega'lek kagak, lek arigin lek o. Ata, mondok ndak-ndak aret arigin o, yinuk, abet aret yokkiragi o.

Matiyut 7:22

O ti eyom paga aakumi apit aret, Ai, ninogoba. Kat kendage paga Ala wone yorogo nogogurak nogo o. Ai, ninogoba. Kat kendage paga kugi nggiginogo wumbiigo nogogurak nogo o. Ai, ninogoba. Kat kendage paga eerubok mendek apit aret eeko nogogurak nogo o.

Marakut 6:11

Ndi, o ambi me nen kit wokkinakwi, kinoone konenggwi, eeka'lek iinok perak, Kinobaalombok o, yinuk, liirubu kiniyok paga lenggennaremenggerak nogo yumbunogo piinok, time nen wundi nanu o,” yinuk, nappiyareegerak.

Yaya 12:48

Kit ambi nen an mbo panugo logonet, an noone waganggwi lek kiinok, kinowak loonogo maluk kinoba pinagarak nduk ambi wonage o. An niniki koombunuk nen wone yokkirage logolik o. Ata, an nogoba nappani wagagerak nogo nen, Yogop yu o, ndogop yu o, yinuk, lengganogo yo'nege kenok, yokkirage minggirak me, o age yobok togon an wone yokkirage nagarak nogo paga kinowak loonogo maluk kinoba pinagagin o.

Yaya 6:39

Ndi, at nappani wagagerak eeriyak mbake nogo ti, it an wo'nege nogo ambit kobak ariyak lek, o age wobok paga it abok ineenik agago mippiyoorak mbake menggerak nogo aret o.

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.

Nappiigak 17:31

At ambi leenogo mippereegerak nen aakumi abok eekwi ndak-ndak owak looninaburak ne ambi koonogo pereegerak o. Ndi, ne ambi koonogo pereegerak nogo nit aakumi abok nineenu aruwok nduk, at nogo ti, kambunuk nogo menggam nen eenik agago mippereegerak o, yinuk, yokkirage agarik o,” yoragagerak.

1 Korindut 3:13

peebi Keritut wage eyom paga it inalitak lombok wuko logomenggaarak nogo, “Op wukoorak a, maluk wukoorak a?” ineenu aruwak nduk, kani paga wakkage kenok, abu kin aret age kaagun o.

1 Tetalonika 5:4

Togop me, noreewi o. Kit perak, kiniki o apit pogom kobak wonogwe lek o. Aap yogoot wagangga nen o ambime unggwage kenok, inogut nage nogo kokwak, kit togop kinogut nagin lek o.

Iberani 10:25

It aakumi nit Ala wone yogome ninom kuwak eekulik nogo kokwak kit togop eerugup o. Ata, niniki eyak wat-wat yogwe ti, “Yetut woroorak abu panggo yi wage kagi,” mba'nuk, niniki aganggen kerek togon ambinom eeko logowok o.

2 Peterut 2:6

Ndi, at Ala nen, “It aakumi o Torom-Nggomora mendek kunduk maluk mban eekwi yi, neebi o,” yinuk, kani wurabit wage logonet, pup eerogo piyareegerak nogo ti, it aap peebi Ala ineebi mba'nuk, maluk eekwi nogo nen, “Nit togop aret ninoorigin kagi,” mbako logowak nduk, eereegerak nogo lek a?

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.

2 Peterut 3:7

Ndi, yogondak mbogut-nggween ninigen kogo monggoorak yi nogo ti, peebi it aakumi Ala ineebi mba'nuk, maluk eeko menggaarak nogo inawone amburu mbanogo inowak loombunuk, ineebe lek eerogo piyoorak eyom nogo paga, o yi, kani pikit nduk, at oone paga porogo wonage wone nogo, it kobak logonet agan nugwi me, peebi age yobok paga eeke kaagun o.

1 Yaya 4:17

O peebi age yobok ninowak loonninaburak eyom paga, “At Yetut eeke nagagerak nogo kwak, nit o nggween paga yime logonet, ndak-ndak eeko nogogurak o,” mba'nuk, ninagabiti mbaka'lek niniki teeluk logowok nduk, Ala nen ambi eebi mbake, ndi, ambi abuwa mbake, eekeelik abok aret ninabuwa mbake menggerak nogo pogom, nit yogondak ti ndak-ndak aret eeko logowok o.

Yurat 1:6

Ndi, at Ala nen it malayikat ando, “Yogop eeko logonip o,” yinuk, o unde eeppiyareegerak kagak, “O yi mban unde logorak nineebi o,” yinuk, mbo pogo mbareegwa, at Ala nen, “An mondok iya tit eeke neyoorak nogo eyom paga inawone amburu mbanogo maluk eekwi onggo inoba piyaakit o,” yinuk, ineebe mondok-mondok mbutigeele paga maarogo o apit me mambiyareegerak wonogwe nogo, kiniki abeko logonip o.

Yurat 1:7

Ndi, it malayikat eeppiyareegerak nogo pogom, it aakumi o Torom inom, o Nggomora inom, yi kota ndi kota enaagan-ambokan wonogwe nogo inom, nen nggeewo negen kumi ugun wurinabit nogwe, iniki aganggen eeginake kenok eekulik mendek kagak ugun-ugun eeginabit nogwe, eeko mbareegwa, “It aakumi maluk eekwi iinok, Ala nen kani omoonu'me mondok-mondok nappiyaagin kogo o,” yinuk, nineenu ogo logowok nduk, kani paga inooreegerak nogo o.