Matiyut 1:24 - Ala Wone Peenok Peebi Mbanak

²⁴ Ndi, at Yutup nogo yege nogo eenik age nagagerik, at malayikat nen, “Ndogop eeru o,” yoreegerak nogo ndak-ndak akwe Mariya aret kolagagerak.

Matiyut 1:24 ပူးပေါင်းရင်းမြစ်များ

Wakkagagerak 6:22

Yoge mbareegi, at Nu nen Ala yoreegerak nogo ndak-ndak abok aret eereegerak.

Wakkagagerak 7:5

Yoge mbareegi, at Nu nen Aliku ALA yoreegerak nogo abok aret ndak-ndak eereegerak.

Wundeegwaarak 40:16

Yoge mbareegi, at Muta nen at Aliku ALA nen yoreegerak nogo ambi wuppuulik mondok ndak-ndak eeke logonet,

Wundeegwaarak 40:19

Mippit nage nagagerik, yum oo'ngget tabak nogo lenggenogo punuk, obaga yum tabak lumba-lumba agabolo paga penggaarak nogo lenggenogo pereegerak. Ti eereegerak ti, at Aliku ALA nen yoreegerak nogo ndak-ndak aret eereegerak.

Matiyut 1:25

Kolagagerak kwe, aagaluk awo ndaka'lek kagak, pigagangga'lek aret wonagagerak. Ti'nuk, kwe nogo aagaluk ndake mbareegi, at Yutup nen endage Yetut aret tooneegerak.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Nappiigak 12:7

Ala yonggo nappiya wage menggerak malayikat ambi ko ogoorak it wonogwe me nogome, aberak lek me mi'nari unggunuk, eya abinak pindanggage nagagerik, uum paga eenggi puk-puk eeke logonet, “Peterut wae. Mbet-mbet mi'naru o,” yinuk, awo yoge kagak, eenggi mbuti keele paga maarak nogo piyok togon wambeegerak.

Nappiigak 5:19

Mambiyareegwaarak oonikiya nogome wonogwe me, Ala yonggo nappiya wage menggerak malayikat mendek ambi wage nagagerik, keele maarogo mambiigo menggam tu paarogo wumbiinok yorage logonet,