Matiyut 1:19 - Ala Wone Peenok Peebi Mbanak

¹⁹ ogonggelo Yutup nogo, iniki abu koonak me, at nen mbake logonet, “Nakwe yi, aakumi nggwok inenggaanom paga endage maluk eerogo puurak, neebi o,” yinuk, “Kote mbo pikit,” mbareegerak.

Matiyut 1:19 ပူးပေါင်းရင်းမြစ်များ

Wakkagagerak 38:24

Ti'nuk, tut kenagan penembunuk, it aakumi nen at Yekura yogo logonet, “Kat kayinggelo kwe Tamat nogo ya wukak age nagaarik, muk abila agaarak wonage o.” Yogo mbareegwa, at Yekura nen, “Eebe eenik ngge-ngge kani kumbuwok nduk, wa nanip o.”

Wakkagagerak 6:9

Aap Nu eeke nagagerak wone yi aret. At Nu apuri ineebe kenagan nogo inendage Tem, Kam, Yapet, aret ndaganabeegerak. Ndi, it yi aakumi ndi aakumi o nggween paga wonogogwaarak nogo abok aret Ala enggaanom paga maluk mban eerit nogwe, yi awi ndi awi abok aret inanini nen ugun-ugun eerit nogwe, eekwi iigak kwe, at Nu alik perak, o ti eyom paga aakumi at inom wonogogwaarak nogo inenggela'me logonet, maluk eeke, aakumi inoone at oba pugwi, eeka'lek obeelom mban eerit nage logonet, Ala imbirak iniki kunik aret wonagagerak.

Ala Unde 19:20

Ndi, aap ambi ayeloman kwe wonage logonet, onggo kungge, wondet eerogo pege, eeka'lek kagak, aap alik ambi nen kwe nogo wuke kenok, maluk aret eeremenggerak me, onggo puurak aret kwe, ogoba nen kwe nogo wondet agago puurak kwe, awo porogo wonage kagak eeremenggerak me, imbirak kambuwak nduk, inoorogo piyoorak mage o. Ata, maluk eeremenggerak nogo mban onggo puwak o.

Ala Unde 20:10

Aap ambi nen at inom menggaarak ambi akwe wuke kenok, aap kwe nogo imbirak kambuwak nduk, inoorogo piigo logowak o.

Marakut 10:4

Yorage mbareegi, it nogo nen, “At Muta nen ari logonet, Kwe mbo pigi o, yinuk, liiru mbanogo punuk nen mban mbo puurak op o, yinuk, yereegerak o.”

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Nappiigak 10:22

Yorage mbareegi, it nogo nen, “Lek o. Aap yigin unde inowe Koreneliyut nogo nen nappinani waga o. At nogo iniki abe koonak Ala agabiti mbaka kenok, it Yakuri mendek abok aret wogoppugwi me, Ala ake leenak malayikat ambi wage nagaarik, at Koreneliyut yoge logonet, Peterut nen wone yokkiri woraawak nduk, yonggo nappiyet o, yoge mbaki, yonggo nappinani wagaarak mukkeren wogo o,” yinuk,

Nappiigak 27:39

O weege mbareegi, o time ineenggo'lek kwe, ilin me mbini neyanak ina nakkogo nogogwaarik, “Yiiro paga time luk togon nawok o,” mba'nuk,

2 Korindut 1:15

“It nen, Pawulut alom yi nduk, liiru mbannirage kogo o, yinuk, liippunuk, wo'nabugun,” mbake logonet, aa'nduk kiya wage mbareegi, kiniki ale'nggen mbareegutak nogo ndak-ndak, ne ambinom ale'nggen mbarubagip nduk, pekkiya woroorak ti abet aret kooneegirak.

Pelaareegerak 22:20

Ndi, kwe nogo tawe wonage logonet, aap inom lambunggerak me, amiya wundulik abet aret yemenggerak kin age kenok perak,