Marakut 9:9 - Ala Wone Peenok Peebi Mbanak

⁹ Puurom paga nen wambi wogo logonet, at Yetut nen, “An aap aret nda'nagagirak yi, kambunuk nogo menggam nen awo neenik a'nuk mi'naga'lek neegak, eeke kinigen neegotak nogo aakumi abu yorogo logogup o.”

Marakut 9:9 ပူးပေါင်းရင်းမြစ်များ

Matiyut 12:19

Yoranet nage logonet, aakumi inom wone warit nage, Oone nggwok paga mappiinet nage, Tu nggwok paga nage logonet, oone omaawi paga yoranet nage, Eeke logogin lek o.

Matiyut 12:40

At Yunut nogo, ikan nggwok inikime yonggolak kagak, nogo mbere yinuk, ko'lu kilirogo wumbereegerak nogo kokwak, an aap aret nda'nagagirak yi, nggween abu'na wonage logominggirik, nogo mbere yippunuk, ko'lu neenik a'nuk, mi'narigin o.

Matiyut 16:21

Inaruk wareegerak ti eyom paga nen at Yetut nogo at oone waganggwi yorage logonet, “An o Yerutalem time noorak agaarak me mondok nage agarik o. Nage neenok, It aap inanggok inom, it Ala unde inoweewi inom, it Ala wone liiru mbanak unde inom, nen noba aaninggin-paaninggin agago paninuk, noorugun o. Nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, paganogo yoragagerak.

Matiyut 27:63

“Ninogoba wae. At aakumi nomoninake menggerak nogo nen awo eenik logonet, Nogo mbere yippunuk, mi'narigin o, yereegerak nogo nineenu me,

Matiyut 8:4

Lek aret age mbareegi, Yetut nen at yoge logonet, “Aakumi abu yoraagun o. At Ala unde nogo nen keebe pekkeyaawak nduk, owagam nak o. An obeelom eekkakirak me, Muta nen, Ala ake ndogop puurak o, yereegerak nogo ti, pege keyaawak nduk, pi nak o,” yinuk, yoreegerak.

Marakut 5:43

Ndi, Yetut nen oone omaawi togon aakumi yorage logonet, “At kolaga obeelom eekirak yi, aakumi yoraagup o,” yorage nagagerik, “Mbi nawak nduk wogo'nip o,” yinuk, yoragagerak.

Marakut 7:36

Oone abe ari mbareegi, at Yetut nen aakumi time wonogwe nogo inaruk wake logonet, “Aakumi abu yoraagup o,” yoragaatak kwe, kagak, oone tagambunuk, yoranet negak mban eeko nogogwaarak.

Marakut 9:10

Yorage mbareegi, eeke kogogwaarak nogo aakumi yoroolik kwe, inalik logonet perak, “At kambunuk nogo menggam nen eenik arigin o, yo'niragaarak yi, nonggop togon yigi mbakop?” yinuk,

Marakut 9:8

Ari konembunuk, inigen penggek togon pekkogo nogogwaarik, yinip-panip it lek ogwe iigak, Yetut alik mban wonage inigen kogogwaarak.

Lukat 24:46

Iniki eya eeppiige nagagerik, yorage logonet, “At Ala nen leenogo mippereegerak Mesias nogo aaninggin-paaninggin oba pugwi iinok, nogo mbere yinuk, kanggo menggam nen eenik age logomenggerik, mi'narigin o.

Lukat 9:36

Ari mbareegi, pekkogo nogogwaarik, Yetut alik mban wonage kogogwaarak. Kogo nogogwaarik, eeke kogogwaarak nogo, ti eyom paga aakumi abu yoroolik puk aret wonogogwaarak.