Marakut 9:7 - Ala Wone Peenok Peebi Mbanak

⁷ Yoge mbareegi, ameraakot nobappiya wage nagagerik, enggela'me nogome nen oone ambi ari logonet, “An naput niniki kunik yi aret me, at oone kinaruk liirogon konenggo logonip o,” yinuk, ari koneneegwaarak.

Marakut 9:7 ပူးပေါင်းရင်းမြစ်များ

Ndawi 2:7

An nendagembogut nogo nen Aliku ALA wone lengganeegerak nogo yokkira o. “At nen an yo'nege logonet, Yogondak kat an naput age, Ndi, an kat kogoba age, Eekoorak o.

Ndawi 97:2

Ndugwi inom, o yumaak aago inom, At enaagan-ambokan wanggerak wonage, At nen obeelom eeppiinet nage, a'me nggelok eeke, Eeke menggerak nogo ti, At wone lengganogo yorage menggim Ti paga panggonak wonage menggerak o.

Wundeegwaarak 24:16

Aliku ALA eya nogo puut Tinayi paga lenggeni wambi wagagerak kagak, nogo 6 yippunuk, ko'lu paga Aliku ALA nogo ndugwi enggela'me wonage logonet, Muta wiireegerak.

Wundeegwaarak 40:34

Eerogo pege mbareegi, ndugwi nogo wambi wage nagagerik, Ala inom lambungge logowam awooliya wurik nogo paga apit eerogo punuk, at Aliku ALA abinak nogo Ala awooliya wurik o magame inikime nogome eya kwindagala eerogo pereegerak.

Ndaniyen 7:13

Oonikiya ti paga mban nabinggaanggo kage logonet, aakumi inaput ndarak negen ambi o mbogut ya'i ndugwi enggela'me wage nagaarik, at Anggok Ageelik Itok Menggerak kwi'ndak wonage me nogome wage mbaki, at enggaanom paga pi wogwe iigirak.

Matiyut 27:43

Iniki Ala oba panggonak logonet, An Ala aput aret o, ari nagaarak me, Ala nen inikilom ombake kenok, agap ndaruwak o,” yinuk, yereegwaarak.

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Marakut 1:11

Kage mbareegi, mbogut paga nen oone ari logonet, “Kat naput niniki kunik aret me, nale'nggen ee'nake keegi o,” yoge kagagerak.

Marakut 9:6

It nogo nen, “Ia!” yinuk, inagabiti ambik age mbareegi, nonggop yuubok kenok, togop yoreegerak.

Marakut 9:8

Ari konembunuk, inigen penggek togon pekkogo nogogwaarik, yinip-panip it lek ogwe iigak, Yetut alik mban wonage inigen kogogwaarak.

Lukat 3:22

Aberiniki eebe towe puume pogom wiga agan at Yetut oba nabi wagagerak. Oba nabi wage mbareegi, mbogut paga nen oone ari logonet, “Napuluk niniki kunik lombok kat aret me, niniki ale'nggen ee'nake keegi o,” yinuk, yoge kagagerak.

Yaya 1:34

an aret nenegen kage nagarik, Yi Ala aput aret o, yinuk, paganogo yokkiragi o,” yoragagerak.

Yaya 1:49

Yoge mbareegi, at Natanayen nen, “Ngguru wae. Ala aput aakumi Iterali inowe endagembogut kat aret keegi o.”

Yaya 12:28

Nogoba o. Kat kendage tiyappatu o,” yinuk, yoreegerak. Yoge mbareegi, mbogut paga nen oone ari logonet, “Nendage muk tiyappakirak me, ambinom aret tiyappatigin o.”

Yaya 19:7

Yorage mbareegi, it aap Yakuri mendek nen, “Lek o. Nit eeko logorak wone yugu liiru mbanak mugurok nogo monggoorak me, aap yi, An Ala aput aret o, yegerak kenok, at wariyak aret mbako o.”

Yaya 20:31

Eeke nagagerak liiru mbanak yi nogo ti, Yetut ti, Ala nen at aput leenogo mippereegerak Keritut aret kit abet mbakwi, ndi, abet mbakwi kiinok, at eekkinabemenggerak paga kineenik mondok mendek kologwe, eeko logomunggup nduk, wone yi liiru mbaneegirak o.

Yaya 5:18

At Yetut nen it Yakuri tamban eekwi paga eeriyak mage yugu kagak, eereegerak paga mban lek o. Ata, “Ala ti, an nogoba lombok aret o,” ari logonet, Ala imbirak ndak-ndak eekkolagagerak paga it aap Yakuri mendek nogo nen abunuk at wariyak nduk, eeko nogogwaarak.

Yaya 5:37

An nogoba nappani wagagerak kunduk nabok paganogo yokkiragagerak kwe, kit at oone kinaruk konenggwi, ndi, at enete kunduk, kinigen kogwe, mondok eeka'lek aret ogotik o.

Yaya 6:69

Nit niniki koba panggombunuk, abet kombako nogoorik, at ambi kikak nakeelik abu obeelom mban menggerak Ala nen nappi wagagerak nogo, kat aret keegoorak o.”

Yaya 9:35

Mugogo wumbereegwaarak Yetut aruk konengge nagagerik, ti'nuk, peebi imbirak lambumbunuk, at yoge logonet, “Wulaga! At aap aret nda'nagagerak nogo kiniki oba panggombunuk, abet mbake agandik ilik, lek a?”

Nappiigak 1:9

Wone ti yorage nagagerik, ina nigagik iigak, wonok lagi nage mbareegi, ameraakot enggela'me nobareegerak o.

Nappiigak 7:37

Ala nen yoge kagak yoraga kit mendek ambi an kwak nappi woraagin o, yinuk, it Iterali mendek yoragagerak nogo ti, Muta mban aret.

Nappiigak 8:36

Yorit imbirak tu paga nogo logonet, niyo ambi wage me ari nogo nogogwaarik, aap nogo nen, “Niyo yi ket o. An yiime wuppaniyak meek mbaken a?” (

Oroma 1:4

Ala nen kambunuk nogo menggam nen eenik agago mippereegerak paga, at maluk eeka'lek iniki mondok abe alik leenak Ala aput ayuk warak aret menggerak nogo kin agagerak.

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.

2 Peterut 1:17

Keritut ninom puut ayuk warak menggim nogome niigak, at mondok tiyanak, “Wi!” ugwi ninogoba Ala nogo nen ninowe Yetut Keritut ayuk wurogo tiyappege logonet, “An naput niniki kunik nale'nggen ee'nake nogo yi aret o,” yinuk, mbogut paga nen oone ari nit aret ninaruk konembunuk, yokkirogogurak nogo o.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.

Wayu 1:7

At ndugwi paga wage kenok, it aakumi o nggween paga menggaarak inanebunu lombok at wareegwaarak nogo mendek inom abok aret inalitak lombok nen inigen kogo logomenggaarik, leenggu maako logogun me, liippogo logonip o, yinuk, abet aret yokkiragi o. Amin.